Тәтеш районы: саннар һәм фактлар

(Тәтеш,  5 декабрь, Тәтеш таңнары).  Быел 45241 гектар мәйданнан уртача уңдырышлылык белән гектардан 30,1 центнер бөртек­ле һәм бөртекле-кузаклы культуралар җыеп алынды. Шикәр чөгендеренең уңдырышлылыгы гектардан 318,1 центнер тәшкил итә, татлы тамырның тулаем җыемы – 171476 тонна.

Соңгы 4 ел эчендә районның авыл хуҗалыгы предприятие­ләре гомуми суммасы 850 миллион сумга 57 трактор, 32 иген җыю комбайны, 10 азык җыю комбайны, 3 чөгендер җыю комбайны, 2 чөгендер төягеч, 10 чәчү комплексы сатып алды; 38 сыер абзары, 6 ремонтлау остаханәсе, 6 иген саклау урыны капиталь ремонтланды һәм яңартып төзекләндерелде, иген киптерүгә бер һәм бәрәңге сак­лау өчен бер яңа комплекс төзелде, силос-сенаж траншея­ләре төзү программасы буенча 19 траншея төзелде.     

Тәтешнең өч комбайнчысы югары җитештерүчәнлекле эшләгәннәре өчен Татарстан Респуб­ликасы Президенты кулыннан премия алды, җидесе республикабызның иң яхшы комбайнчылары буларак, 50 мең сум премиягә ия булды.

Мөгезле эре терлекләрнең баш саны барлык төрдәге хуҗалык­ларда да узган ел белән чагыштырганда 181гә артты һәм 15675 баш тәшкил итә. Сөт җитештерү 14407,3 тонна тәшкил итә, бу үткән елдагы дәрәҗәне 102 процентка арттырып җибәрә.
Район территориясендә 25 гаилә фермасы эшли.