Яңа ел каникулларында ­безне нинди чаралар көтә

(Тәтеш, 21 декабрь, "Тәтеш таңнары", Эндже Гәзизова фотосы). Яңа ел белән ләззәтләнү тирә-юньдә инде сизелә: биналар тәрәзәсендә гир­­лянда­ларның утлар балкы­шы сирпелә, йортларда һәм шәһәребез урамна­рында чыршылар урнаштырыла.

Район мәдәният йорты каршындагы мәйдан   караңгы төшкәч әкияти шәһәрчеккә (рәсемдә) әверелә, кай­бер кибетләр, балалар сәнгать мәктәбе, Тәтеш ягы тарихы музее, горгаз, район суды үз биналарын башкалардан алданрак бизәп, үтеп йөрүчеләргә бәйрәм рухы бүләк итә. Күптән түгел  автовокзал янында да төрле утлар балкышы сирпеп чыршы кабынды. 
Тәтешлеләрне һәм шә­һәр кунакларын бик тиздән бәйрәм чаралары көтә, алар 2019 елның 20 декабрендә шәһәр чыршысын ачу белән башланып китәчәк.

еспублика олимпиа­­да­ларында, ­бәйгелә­рендә, ярышларында ­җиңгән һәм призер булган мәктәп ­укучыларын яңа ел алдыннан “Могҗиза­лар балы” дигән чыршы бәйрә­мендә тан­таналы рәвештә бү­ләкләү; сә­ламәтлек­ләре буенча мөмкинлекләре чикле балалар өчен, гаиләгә тәрбиягә алган балалар һәм социаль-мохтаҗ хәл­дәге гаиләләрдә тәрбияләнүче балаларга  район  чыршысы; “Карнавал төнендә” га­дәттән тыш маҗаралар” яңа ел мюзиклы булачак. 

Шәһәрдәге предприятиеләр, оешмалар һәм авыл җирлекләре – иң яхшы яңа ел бизәлеше, кар (боз) сурәтләре, ә районда яшәүчеләр торак йортның иң яхшы яңа ел бизәлеше бәйгеләрендә катнаша ала.

Тәтешлеләрнең һәм шә­һәр ­кунакларының бәйрәмгә, яңа ел каникулына кадәр “Кар фантазияләре” күргәз­мәсенә,  балаларның шәһәрдәге музейларга бушлай бару мөмкинлеге булачак, ә бәйрәм алдыннан, 31 декабрьдә, район мәдәният йорты бинасы янындагы мәйданда “Могҗизаларга ышанасы килә” ди­гән программа үткәреләчәк. Яңа ел каникулы көннәрен­дә “Барс” спорт-сәламәтлән­дерү комплексында шашка, шахмат, йөзү, бадминтон, теннис, мини-футбол, алкалы хоккей буенча спорт мәк­тәбе шәкертләре арасында ярышлар, “Серебряковлар йортында раштуа” дигән яңа ел бәйрәме һәм “Күңелле каникул” дип исемләнгән ­мас­тер-класс узачак.

Планлаштырылган чараларны уздыру вакыты һәм урыны хакында без өстәмә тапкыр хәбәр итәчәкбез. Яңалыкларны “Тәтеш таңнары” гәҗитендә һәм сайтында күзәтеп барыгыз.

Тәтеш районы башкарма комитеты мәгълүматлары буенча