Яшьләрдә наркотиклар татып карау теләге беркайчан да булмасын өчен

(Тәтеш, 29 март, «Тәтеш таңнары», Руслан Багиров). Ләкин, билгеле булганча, теләсә нинди чирне дәва­лауга караганда, булдырмый калу җиңелрәк. “Кешенең күпчелек гадәтләре яшьли һәм мәктәпнең башлангыч сыйныфларында барлыкка килә. Шуңа күрә балага наркотиклар һәм аларның начар йогынтысы хакындагы мәгълүматны шушы яшьтән үк җиткерү әһәмиятле”, – дип саный Тәтештәге үзәк район хастаханәсенең табиб-наркологы Наталья Ляченкова. 

Районыбызның уку йортларында төрле лекцияләр, ачык дәресләр һәм очрашулар һәрдаим үткәрелә, наркомания белән көрәшүгә юнәлтелгән һәм сәламәт яшәү рәвешен пропагандалаган фильмнар,  тапшырулар күрсәтелә. Әгәр ул дөрес оештырылган икән, ул һичшиксез уңай нәтиҗә бирәчәк, һәм баланың наркотиклар татып карау теләге ­булмаячак.  

Яшүсмерләр белән эшләр өчен кайбер йогынты ясау төрләрен  сайларга кирәк. Яшьләр әлеге яшьтә олыларның аң­лауларына мохтаҗ, шуңа күрә, наркоманияне профилактикалауга юнәлтелгән тематик чаралардан тыш, кызыксыну буенча төрле очрашулар, концертлар,  күргәзмәләр, ярышлар үткәрергә кирәк.

Мондый эшләр студентлар белән дә уздырылырга тиеш. Яшьләр еш кына, компаниядән төшеп калмас өчен, наркотик­ларга тартыла. Укытучылар студентларның үз-үзләрен тотышларындагы үзгәрешләрне дикъкать белән күзәтеп ­то­рырга тиеш.