Җырладылар, биеделәр, язны каршыладылар

(Тәтеш, 4 март, “Тәтеш таңнары”, Галина Таҗетдинова, автор фотосы).  

Ярминкә
Район мәдәният йорты каршындагы мәйданда күп төрдәге азык-төлекләр белән тезелеп киткән сәүдә рәтләре иртә таңнан ук эшли башлады. Районның авыл хуҗалыгы предприятиеләре, җирле үзидарәләр, эшкуарлар төрледән-төрле продукция­ләр тәкъдим иттеләр. Ит, балык, бал, сөт гадәттәгечә зур сорау белән файдаланылды.
Язгы ярминкәдә актив катнашканнары-сатканнары өчен район ад­министрация­сеннән Дипломнар белән бүләкләнделәр: Тәтеш татар урта мәктәбе, Тәтештәге 1нче урта мәктәп, Тәтешнең авыл хуҗалыгы техникумы, Зур Әтрәч һәм Олы Тормы авыл җирлекләре, “Колос” ­агрофирмасы.

Сау бул, кыш!
Әкият персонажлары Пет­рушка һәм Шамакайлар һәркемне рух күтәренкелегенә чакырып, күмәк күңел ачуны район мәдәният йорты каршындагы мәйданда ачып җибәрде. Кыш, Яз һәм Май чабу гадәттәгечә уен-көлке: гер күтәрү, аркан тартышу әзерләгәннәр һәм шуларны кызыклы итеп үткәрделәр. Убырлы Карчык шаян такмаклар бәйгесен башлап җибәрде. Балалар бик рәхәтләнеп халык җырларын, шаян такмак­лар башкардылар, әйлән-бәйләндә катнаштылар. Бәйрәм ахырында Яз килде һәм якты кояш ныг­рак җылытсын дип теләде. Чарада катнашучылар ел буе бәхетле һәм бай булу өчен, “Карачкы яндыру” йоласын уздырды.
Шәһәрле Сергеевлар болай дип уртаклаштылар: “Бүген барысы да эшләнде – әйберләр дә сатып алдык, күптәнге дусларны да очраттык, бәйгеләрдә дә катнаштык, чын күңелдән бәйрәм дә иттек”.

Саварни
Тоншермада чираттагы тапкыр кышны озату һәм язны каршылау бәйрәме – күңелле Саварни – булып узды. Күңелле тантанада катнашучылар чуаш халкы уеннарын һәм мәзәк-көлкеләрен уйнады, тәмле камыр ашамлыкларыннан һәм кайнар чәйдән авыз итте, бизәлгән дуга аша узып: барлык начарлык­ларны артта калдырып, кешеләр язны якты өметләр һәм яхшы ышаныч бе­лән каршылау йоласында ­катнашты. 
Авыл клубында бәйрәм кысаларында “Теччешевлисем” (“Тәтеш балкышы”) иҗат фестивале үтте, анда җирле талантлар да, күрше торак пунктлардан килгән кунак­лар да чыгыш ясады.
Язгы матур Саварни бәйрәме Тәтеш районының чуаш милли-мәдәни үзәге җитәкчесе Володар Тимофеев, эшкуарлар Шәүкәт Хөсәенов, Юрий Нагуськин,  Валерий Евдокимов, җирлек башлыгы Илдар ­Халиков ярдәмендә булды.