Татарстанда постларда 700 меңнән күбрәк кеше тикшерелгән.
(Тәтеш, 13 апрель, "Тәтеш таңнары"). Үз-үзеңне изоляцияләү вакытында республикада 24 меңнән күбрәк машинаны үткәрү постларыннан кире борганнар. Коронавируска каршы көрәшү буенча оператив штабта "Татар-информ"га шул хакта хәбәр иткән.
Үзеңне изоляцияләү кертелгән вакыт эчендә республикабыз шәһәрләренә һәм районнарына керә торган җирләрдәге постларда 743 305 кеше тикшерелгән.
Шуның 3 меңгә якыны административ хокук бозган өчен штрафка җәлеп ителгән. Штрафларны күпчелек үз-үзеңне изоляцияләү тәртибен бозган өчен салганнар.
Шулай ук эзләнүдә булган дүрт кеше тоткарланган, 10 җинаять ачылган.
"Ялган, сыйфатсыз һәм теркәлмәгән дарулар, медицина эшләнмәләре, ялган биологик актив өстәмәләр әйләнеше" маддәсе нигезендә, 6 җинаять эше кузгатылган. Ялган документлар, мөһер яисә бланклар ясау, җитештерү яки аларның әйләнеше буенча биш эш кузгатылган.
Нет комментариев