Ярышларда 25 илдән 370 спортчы катнаш­ты.

(Тәтеш, 28 февраль, “Тәтеш таңнары”). Никосиянең олимпия ату урынында узган Кипрның Гран При абруйлы халыкара турнирында тренер Виктор Филиппов шәкертләре Геннадий Мамкин белән Александр Филиппов уңышлы чыгыш ясадылар.
Геннадий яшүсмерләр арасында – аерым һәм команда турнирында, ике алтын медаль яулады. 

Александрның шәхси зачетта көмеш медаль һәм командада – бронза. 
Тәтешнең стендка ату мәктәбенең элекке шәкерте, яшүсмер Артем Глотов Россия җыелмасы составында икенче урынны һәм шәхси зачетта бишенче урынны яулады. 
Тәтешле Ландыш ­Кварталова скитта шәхси зачетта Россия спортчыларыннан иң яхшы нәтиҗә күрсәтеп,  дүртенче урынны алды. 
Ярышларда 25 илдән 370 спортчы катнаш­ты.