Таблицаларны Куйбышевка телеграмма аша җибәргәннәр

(Тәтеш, 22 март, "Тәтеш таңнары"). Шул ук елны учреждениегә техник-метеоролог вазифасына Валентина Ульянова, имтихан тапшырганнан соң, кабул ителә. “Владимир Зубрилин җитәкче булды, аны Күл станциясеннән күчерделәр. Безнең коллектив биш кешедән торды,  ә авиа­метеостанция агач бинага урнашты. Приборлар йорттан якынча 50 метр ераклыкта, койма эчендә иде. Термометр күрсәткечләрен һәр өч сәгать саен карап бардык, һаваның түбән һәм югары температурасын билгеләдек. Мәгъ­лүматларны таблицаларга яздык һәм аларны башта Куйбышевка (искәрмә: хәзерге Самара), аннары Казанга телеграмма аша җибәрдек. Ике сменада, көндез дә, төнлә дә эшләдек”, – дип сөйли ул. Әле тагын күк күкрәү, күктәге  каурыйсыман, катлы-катлы, өем рәвешендәге болытларның кайсы яктан хәрәкәт итүен ­билгеләдек.

Җирле авиаметеостанция тапшырган мәгълүматлар яр­дәмендә давыл булачагын игълан итеп, кисәтү ясаган чак­лар да очраштыргалаган. “Тәтешкә оча торган самолетны без кире борган вакытлар да булды, ә җил тынгач, ул кире килә һәм аэропортка төшә иде”, – ди Валентина Алексеевна.

Ул метеостанциядә утыз елдан күбрәк хезмәт куя, вакытлар узу белән өлкән техник-метеоролог була. Берәрләп эшлиләр, әгәр баштарак төннәрен каравыл булса, аннары инде аны кыскарталар. “Бервакыт безгә җыелышта качкын (искәрмә: җинаятьче) эзләнә һәм кайдадыр безнең якларда яшеренеп ята дип хәбәр иттеләр, аның фотосурәтен күрсәттеләр. Кыш ае иде, төнлә Лиза Мыркина кизү тора, һәм кинәт – тәрәзәгә шакыйлар. Ә анда – ул. Милициягә шалтырата, аңа башта ышанмыйлар, ләкин киләләр. Эзләр сарайга таба алып бара, аның буенча китәләр, шунда качкынны тоткарлыйлар да инде”, – дип искә төшерә Валентина Алексеевна. Ул эшкә Малай кушаматлы кечкенә эт белән йөргән, дүртаяк­лы дусты таныш түгел кешеләрне күргәч, өрә торган була. Әллә ни куркытмаса да, саклар өчен ярап куйган. 

Валентина Ульянова 1999 елда пенсиягә чыга. Шул вакыттан алып илдә дә, коллективның эшендә дә күп нәрсәләр үзгәрә. Ун ел элек автоматлаштырылган метеорология комплексы урнаштырыла, анда приборларның күрсәткече компьютерга күчерелә, һәм учреждение хәзер башкача – Тәтеш шәһәренең метеорология станциясе дип атап йөртелә. 

Бүген – Гидрометеорология службасы хезмәткәрләре көне. Аның хезмәткәрләренең эше, табигать кануннарын башка беркем дә белмәгән кебек, бик әһәмиятле.