ТАССР оешуның 100 еллыгын каршылап

(Тәтеш, 7 июнь, “Тәтеш таңнары").  Тәтеш ягы тарихы музее район оешу һәм төзелү тарихы турындагы материалларны җыю буенча эш алып бара.

“Районда яшәүчеләрнең район елъязмасындагы бушлыкны тулыландыруларын үтенәбез. 1930 елдан 1980 елга кадәрге чорда безнең районның КПСС РК секретарьләре – Г. И. Флегонтов, П. А. Власихин, Д. С. Скрябин, С. К. Муравь­ев, И. Т. Козлов, А. С. Суханов, Н. И. Булатов, А. М. Захаров, Х. З. Заһретдинов, Н. Н. Голубев, И. Л. Кияев, Г. С. Садыйков, К. М. Мисбахов, А. А. Петров, Т. М. Рәхмәтуллин, С. Х. Абдуллин, З. Ф. Фәйзуллинның фоторәсемнәре, документлары, биографияләре һәм туганнарының элемтәләре белән уртаклашсыннар иде, – дип хәбәр итә музей фондларының төп саклаучысы Людмила Петрякова. – Әлеге мәгълүматларны эзләү – шәһәр һәм район тарихын саклауда безнең уртак хезмәтебез”.

Музей хезмәткәрләре тәкъдим ителгән материалларның күчермәсе алынгач, алар хуҗаларына кире кайтарылачагын хәбәр итә. Мөрәҗәгать итү өчен телефон: 8(84373) 2-55-07, электрон почта: muzeitet@mail.ru.