Түбән Тархан авылы мәдәният хезмәткәрләре «ТАССРга 100 ел» дип исемләнгән мәгълүмат сәгате үткәрде

(Тәтеш, 5 август, "Тәтеш таңнары"). ТАССР төзелүнең 100 еллыгын бәйрәм итүгә әзерлек һәм аны уздыру чаралары кысаларында, 30 июльдә, Түбән Тархан мәдәният хезмәткәрләре тарафыннан «ТАССРга 100 ел» дип исемләнгән мәгълүмат сәгате үткәрелде.

Әлеге чараның максаты: укучыларда гражданлык-патриотик хисләр тәрбияләү, Татарстанның тарихы һәм мәдәни традицияләре турында белемнәрне киңәйтү. 

Укучылар игътибарына «Чәчәк кебек Республика» дип исемләнгән китап күргәзмәсе әзерләнгән иде. Анда ТАССР барлыкка килү тарихы һәм республиканың заманча йөзе белән бәйле материаллар тәкъдим ителде.