Тәтешленең тагын бер җырлавын сораганнар

(Тәтеш, 24 июнь, "Тәтеш таннары", Юлия Калинина). Тәтештән Ирина Козлова ТРда Туган телләр һәм халыклар бердәмлеге елы кысаларында 
уздырылган “Юрла чавашла – чувашча җырла” бәйгесенең гран-при иясе булган.

Конкурска 140тан артык видеоэш тәкъдим ителгән, финалга Татарстанның төрле районнарыннан 9 катнашучы чыккан.

– Җиңүемне игълан иткәч, минем күзләрем яшьләнде, чиксез шатландым! Бик лаеклы көндәшләр: ансамбльләр дә, солистлар да. Минем өчен бер сәхнәдә танылган артистлар белән чыгыш ясавы зур дәрәҗә булды. Финалда зал мине тагын бер кат җырлавымны сорады, – дип уртаклашты Ирина Козлова.