Чиктән тыш батырлык һәм каһарманлык күрсәткән

(Тәтеш, 27 декабрь, “Тәтеш таңнары”). Александр Семенович Фурасьев 1924 елда Иске Сумароково авылында туган. Тәтеш районы хәрби комиссариатыннан мобилизацияләнгән, Кызыл Армиядә – 1942 елдан. Ефрейтор, 61нче Армиянең 5нче аерым мотопонтон күпер батальонының понтоннар төзүчесе.

Бүләкләү кәгазеннән: “Ефрейтор Фурасьев Одер елгасын кичкәндә һәм Нидер-Вутцев торак пункты янында гаскәрләрне һәм техниканы аркылы чыгару урынында дошманның артиллерия минометы һәм пулеметының көчле уты астында чиктән тыш батырлык һәм каһарманлык күрсәтте. Сугышчыны көчле ут куркытмады, ул паромны җыюга һәм гаскәрләрне аркылы чыгаруга беренчеләрдән булып кереште, елганы кичеп чыккан һәм плацдармны яулап алган урындагы ярга понтон төзүчеләргә көч өстәп артиллерияне һәм гаскәрләрне Одер елгасының көнбатыш ярына беренче булып юл алды һәм Кызыл әләм кадады. Дошман котырынып, кичеп чыгу юлына ут ачты, ул (Фурасьев) артиллерияне һәм гаскәрләрне күчереп, гаскәрләрне аркылы кичеп чыгаруны дәвам итте. Понтоннарны снаряд кыйпылчыклары тишкәләде. Су паромга бик тиз тула башлады. Фурасьев өстендәге плащ-палаткасын салып, тишелгән урыннарны томалады һәм паром ярга чыгуын дәвам итте. Иптәш Фурасьевның каһарманлыгы һәм батырлыгы Одер елгасын кичеп чыгу буенча бирелгән хәрби боерыкны үтәүне, җирләрне басып алу һәм елганың көнбатыш ярының плацдармын киңәйтү һәм безнең гаскәрләргә уңышлы алга баруны тәэмин итте. Батырларча кыюлыгы өчен дәүләтнең югары бүләге – Советлар Союзы Герое исеме бирелүгә лаек”.
Александр Семенович Фурасьев сугышчан бүләкләргә: Кызыл Байрак ордены, Кызыл Йолдыз ордены, “Берлинны алган өчен” медале, “Японияне җиңгән өчен” медаленә ия.       
     
Тәтеш ягы тарихы музее коллективына гәҗит укучыларыбызга мәгълүмат тәкъдим иткәннәре өчен рәхмәт белдерәбез.