Үлгәннән соң медаль белән бүләкләнгән

(Тәтеш, 23 апрель, «Тәтеш таңнары») “Бабай 1904 елда Киртәледә туган, – ди оныгы. – Ул 1938 елга кадәр кече ватанында авыл Советы рәисе булып хезмәт куйган, ә Олы Тархан районы оешкач, аны районның җир бүлегенә рәис итеп күчерәләр һәм анда ул сугыш башланганчы эшләгән”.

Әбием искә алганча, Федор Иванович фронтка җибәрүләре турында беренче тапкыр гариза язгач аңарга рөхсәт бирмиләр, һәм бары тик икенче тапкырында гына үтенечен канәгатьләндерәләр.

Бабай гаиләсен барысы да яхшы була, дошманны туган җир­дән куып чыгаргач кайтам, дип ­тынычландыра. Ләкин ул 1944 елның июлендә Карелиядә батырларча һәлак була.

Өлкән лейтенант Федор Иванович Кузинның бүләкләү кәга­зендәге язманы укыйбыз: “Гомерен куркыныч астына куеп, “Ватан өчен, Сталин өчен!” дип кычкырып, 2-3нче укчы рота сугышчыларын алга күтәрде һәм шәхси үрнәгендә дошманны тар-мар итүгә этәргеч ясады, дошманның ныгытылган көчле алар оборонасын өзде, дотлар һәм дзотларны юк итте. Дошман куркудан коралларын ташлап, чигенде. Иптәш Кузинның батырлыгы ярдәмендә батальон командованиенең сугышчан йөкләмәсен намус белән үтәде. Сугышчан батырлыгы һәм партоешманың хәрби эшләрен башкарганы, сугышлардагы кыюлыгы өчен дәүләт бүләге  – үлгәннән соң II дәрәҗә Ватан сугышы ордены бирелде”.

Федор Иванович Кузин туганнары һәм авылдашлары хәтерендә сүзендә торучан, хезмәт сөючән, барысы да хөрмәт иткән кеше булып сакланып калган.