Балыкның файдасы

(Тәтеш, 1 сентябрь, «Тәтеш таңнары»). Безнең танылган балык скульптурасының мистик мөмкинлекләренә җиңелчә генә көлеп тә карарга була, ләкин менә ризык итеп кулланырга ярак­лы балык чынлап та һәрбер кешенең яшьлек һәм матурлыкны саклау теләген үти.

Балыкта күп күләмдә омега-3 май кислоталары бар. Әлеге тылсымлы кислоталар нинди үзлекләргә ия соң?
Беренчедән: йөрәк-кан тамырлары чире куркынычын киметә. Алар канның ябышкаклыгын киметәләр һәм моның белән тромбалар барлыкка килү куркынычын азайталар. Йөрәк мускуллары клеткаларын җайга салып, аритмияне кисәтергә ярдәм итәләр (йөрәк кыскару ешлыгы бозылу – ешаю яки акрынаю).

Әгәр сез иң кимендә 200 – 300 грамм балык ашасагыз (диңгезнеке аеруча да файдалы!), сәламәтлек өчен файдасын бик тиз арада тоярсыз. Омега-3 кислотасы нерв клеткалары тирәсендәге мембрана торышын сыек хәлдә тотарга ярдәм итә, ул нерв хәрәкәте тапшыргычын җиңеләйтә. Димәк, балык депрессияне юкка чыгара һәм кәефне күтәрә дигән сүз.