Бу көн – Тәтеш районының 177 беренче сыйныф укучысы өчен иң күптән көтелгән бәйрәм

(Тәтеш, 1 сентябрь, "Тәтеш таңнары"). “Бу көн – Тәтеш районының 177 беренче сыйныф укучысы өчен иң күптән көтелгән бәйрәм, чөнки алар бөтенләй дә яңа, әле таныш булмаган, бик мавыктыргыч һәм файдалы тормышка аяк баса. Алда – җитди уку, талант һәм сәләтләрне үстерү елы. Хөрмәтле мәктәп укучылары, студентлар, педагоглар! Сезне яңа уку елы белән котлыйм! Тирән белем алган һәркем өчен ул танып белү, иҗат һәм яңа ачышлар шатлыгы белән тулылансын иде”, – диде район башлыгы Рәмис Сафиуллов бәйрәм хөрмәтенә.