Бурыч – шәһәр урамнарын төзекләндерү

(Тәтеш, 16 апрель, “Тәтеш таңнары”, Мәдинә Ибәтуллина). 

– Безнең шәһәрдә тө­зекләндерү буенча актив эш алып барыла, анда район җитәкчелеге һәм шәһәрлеләрнең өлеше зур. Кешеләр туган якларының язмышына, үзләре яшәгән урыннарга битараф түгел. Соңгы елларда, пандемия булуга карамастан, тә­тешлеләр үз йортларын­да һәм ­фатирларында гы­на түгел, йорт яны тер­риторияләрендә алга та­ба да уңайлылык һәм тәртип булдыру эшләренә керешергә әзер, – дип билгеләп үтә “Үзәк” территориаль иҗтимагый үзида­рәсе җитәкчесе Дмитрий ­Пи­рогов. – Корылмаларның, шәһәр урам­нарының тышкы күренеше, уңайлы яшәү дәрәҗәсе аның шәхси өлеш кертүеннән торуын һәркем аңлый һәм шуңа күрә күп­ләр җирле әһәмияттәге проблемаларны хәл итүдә актив катнаша. 

“Үзәк” ТИҮнең юнә­леш­ләре күп: төзекләндерү, социаль якланмаган төр­кем­дәге кешеләр белән эш­ләү, хокук бозуларны, янгын куркынычсызлыгын профилактикалау. Бе­р­­кетелгән территориядә яшәүче халык белән аралашу һәм урамнарны карап чыгу аның гамәли эш­чәнлегенә керә. ТИҮ активистлары мәгълүмати чаралар үткәрәләр, алдакчылык алымнары турында күптән түгел профилактик листовкалар ябыштырганнар.    

– “Татарстан Респуб­ли­касының иң яхшы территориаль иҗти­магый үзи­дарәсе” ­республика конкурсында өч ­тапкыр катнаштык, шуның нәти­җәсендә үзебезнең проектларга грант ярдәме алдык, – дип хәбәр итте Дмитрий Николаевич. – 2015 елда үз категориябездә беренче урынны алдык – грант акчасына шәһәр буасы янында балалар мәйданчыгы урнаштырдылар, 2018 елда икенче булдык, акча шәһәр үзәгендәге Бөек Ватан сугышында катнашучылар­ның обелискын ремонтлау­га сарыф ителде. Узган ел янә җиңүгә ирештек, алган акчага үзебезнең проектны тормышка ашыра алдык: Гагарин урамында балалар һәм спорт мәйданчыгы – скверда балалар һәм өлкәннәр өчен ял итү урыны ясалды. Әле­ге сквер, өлкән яшьтәге тәтешлеләр искә алуынча, 1961 елның 12 апрелендә Юрий Гагаринның галәмгә очуы хөрмәтенә нигез салынган. Юбилей елында аны төзекләндерергә булдык. Территорияне чис­тартуда шәһәр Советы депутаты Наталья Рыжова, “Тәтеш” МУП җитәкчесе Рифкать Әхмәтов, көллият курсантлары, якын-тирә йортларда яшәүчеләр зур ярдәм күрсәттеләр. Бу территорияне алга таба үстерү перспективасы белән башлангыч нигез салынды.

Акчаның бер өлеше чик сакчылары хөрмәтенә шә­һәр паркындагы һәйкәл янындагы территорияне төзекләндерүгә тотылды.
– Без торак-коммуналь хуҗа­лык, хокук тәртибе, төзек­ләндерү һәм башка мәсьәләләрне дә хәл итә­без. Алда әле күп эшләр башкарасы бар, – дип дә­вам итә ТИҮ җитәкчесе. – Шәһәрлеләрнең битараф булмавы нәтиҗәсендә үз көнкүрешебезнең культурасын барыбыз бергә­ләп күтәрербез, шәһәрнең һәр урамын чиста, матур, уңайлы итәрбез, дип өметләнәбез.