Фонтан янында очрашырбыз

(Тәтеш, 1 ноябрь, "Тәтеш таңнары", Галина Таҗетдинова (автор фотосы)).  Тәтештә үзәк буа янындагы территорияне тө­зек­лән­дерү эшләре дә­­­вам итә. Ул безнең рай­он фе­дераль бәй­­­гедә от­кан максатчан акчага башкарыла.

Шушы араларда тагын бер яңалык барлыкка килде – төрле ут балкышлары мәйданчыгы белән фонтан эшли башлады. Якты төсләр белән уйнаган гаҗәеп нурлар, серле тавыш­лар чыгарып сибелгән су “шарлавыклары” чынлап та ­хозурландыра.

Тәтешлеләр матур кү­­ре­нешне күрер өчен кичке вакытта гаиләләре белән бирегә килә. “Нинди таң калырлык гүзәллек, искиткеч”, “Бәйрәм рухы сизелә”, “Безнең шәһәрдә фонтан бар инде, ә хәзер төсләр балкышына карап сок­ланырга була”, – дип уртаклаштылар үзләренең тәэсирләре белән шәһәрлеләр. Балаларда – аерым шатлык: ата-аналар ничек кенә тырышмасын, алар     бер урында гына басып тора алмый, ә аеруча да кыюлары су агымын җиңел генә йөгереп узар һәм чыланмас өчен мәйданчыктан җәлт кенә чабып уйный. Яшь тәтеш­леләрнең соклануына чикләр юк: “Искиткеч”, “Бик шәп”, “Супер”.

Планлаштырылган эшләрнең алга бару күләменә карап, мәйданчык тәтеш­леләрнең ялы өчен тагын да җәлеп итәрлек һәм уңайлырак булачак.