Җиңү яуладылар

(Тәтеш, 23 август, «Тәтеш таңнары», Елена КАЛАШНИКОВА, Татьяна Адаева фотосы ).  Көньяк Сахалиннан кайт­кан яшьләр белән без алар Тәтешкә аяк баскачтын ук очраштык. Аннан алган хис-кичерешләре сүрелеп өлгергәнче, алардан эшче һөнәрләр чемпионаты ничек үтүе турында беренчеләрдән булып беләсебез килде.

Булачак коткаручылардан­ торган ике команда (яшүсмерләр һәм төп сос­тав) тренерлар Игорь Мамкин, Александр Мерз­лов, Фәнис Гомәровның ел дәвамында игътибарлы җитәкчелеге астында финалга әзерләнде. Егетләр ярышларның берничә этабын үттеләр, һәм алар моның финишка барып җитәргә ярдәм итүен яшермиләр. 

“Яшьләргә – афәрин, алар мөмкин булганны һәм тормышка ашыра алмаслыкны да эшләделәр. Яхшы чыгыш ясадылар, кайбер очракларда хәтта үзләренең куркуларын да җиңделәр. “Коткаручылар эше” төре бу­енча ярышлар үткәрү өчен мәйданчык урамда ур­нашкан иде, янәшәдә баш­ка һөнәр вәкилләре дә ярышты. Әм­ма тамашачылар­ның күпчелеге безнең яшьләрне карарга килде”, – дип уртак­лашты гражданнар оборонасы һәм гадәттән тыш хәл фәннәре буенча тренер-укытучы Александр Мерзлов. Бу гаҗәп тә түгел: булачак коткаручыларның ничек эшләве артыннан ба­ры бер генә тапкыр булса да күзәтеп торучылар моңа битараф калмады.

“Кайвакыт дулкынлану комачаулады, әмма без аны җиңәргә тырыштык. Гомумгаскәри саклау комп­лектын кию авыр сынауларның берсе булды”, – диде яшүсмерләр командасын тәкъдим иткән Даниил Филиппов,  ә Регина Шәрәфиева Мәскәүдә узган сайлап алу этабы финалдан да катлаулырак булды, дип саный. Өстәвенә, алар фикеренчә, мондый югары дәрәҗәдәге ярышлар­да кат­­нашу өчен бер әзерлек кенә җитми, омтылышка ия булырга, үзеңне күрсәтүдән курыкмаска, максатчанлык кирәк.

Безнең студентларның ике командасы да сынауны берь­юлы үттеләр диярлек, ләкин, мөмкинлек килеп туганда, бер-берләре өчен җанатарга ашыктылар. Бу табигый да – ярышларда көч биреп тору зур роль уйный. Булачак коткаручылар да шундый ук фикердә. “Әйе, бәхәсләшкән мизгелләр дә булды. Әмма мондый ярышларда барысы да команда эшенә бәйләнгән”, – дип саныйлар алар. “Яшь профессионаллар”  (WorldSkills Russia) чемпио­наты финалында ­көллият студентларының “Коткаручылар эше” төрендә катнашулары яшүсмерләргә алтын медальләр һәм команданың төп составына осталык өчен медальоны алып килде. 

“Тырышып шөгыльләнү, җ­и­­­­ңү теләге, тренерларның ос­та әзерләүләре юга­ры­ нәтиҗәне бирде. ТР Мәгариф һәм фән минис­трлыгы, ТР ГХМ, ТР һөнә­ри юнә­­­лешне үстерү үзәге зур яр­дәм күрсәтте. Үзебезнең яшьләр өчен горурланам”, – диде көллият директоры Татьяна Адаева.  

Булачак коткаручылар WorldSkills Russia ярышы финалында ел саен  Татарстан данын яклыйлар, моның белән бергә бик шәп нәтиҗәләргә дә ирешәләр.