Ха­лык­лар бердәмлеге көне. Гореф-гадәтләрне саклап

(Тәтеш, 4 ноябрь, "Тәтеш таңнары", Елена Калашникова (автор фотосы) ).  “Безнең районда рус милләте күпчелек санда һәм аерым авыллардагы кебек, алар шулай ук шәһәрдә дә бар. Рус халкының йолала­рын саклау һәм киң таныту үзәкнең төп хез­мәт бурычы булып тора. Фикердәшем Олег Евсеев бик яхшы эшләр – райо­ныбыздагы рус авыллары турында брошюралар булдыра башлады”, –  дип сөйли рус милли-мәдәни үзәге җитәкчесе Татьяна Лубганс. Планда – рес­публиканың милли-мәдәни берләшмәсе белән хезмәттәшлекне дәвам итү, түгәрәк өстәлләр, бәйрәмнәр, күчмә чаралар, аерым консультацияләр үткәрү.

Асия Ибраһимова татар милли-­мәдәни үзәге белән аңа нигез салынганнан алып җитәкчелек итә. “Тәтеш районы – күп милләтле, халык­лар арасындагы дуслык – безнең иң мөһим байлык”, – ди ул. Матур гадәт буенча үзәк тарафыннан Тукай һәм Җәлил укулары, “Минем шәҗәрә” бәйгесе оештырыла, анда яшьләр актив катнаша. “Без Бөтендөнья татар конгрессы белән хезмәттәшлек итәбез, “Ак калфак” татар хатын-кызлары иҗтимагый оешмасы белән берлектә күп чаралар уздырабыз. Үзәк вәкилләре – татар яшьләре республика форумында һәм мөмкин булган бәйгеләрдә, фестивальләрдә катнаша.

Киләчәктә дә туган телне өйрәнүгә һәм саклауга, гореф-гадәтләрне, йолаларны яшь буынга тапшырып калдыруга аерым игътибар бүлеп бирү ниятләнә”, – дип билгеләп үтә Асия Заһир кызы. Ул дүрт милли-мәдәни үзәктән тыш, районыбызда аз санда яшәүче халык вәкилләренең берләшмәләре дә барлыкка килсен иде, дип хыяллана.

Тәтеш районында мордва халкының гореф-гадәтләрен саклау һәм таныту буенча эшләрне ТРның мордва милли-мәдәни ассоциация вәкиллеге Советын Ирина Нико­лаева алып бара. “Безнең иҗади коллективлар төрле бәйгеләрдә һәрдаим катнаша. Килдештә ел саен “Валда шинясь” мордва мәдәниятенең республика фестивале уза. Совет составына бүгенге көндә унөч вәкил керә, мукшылар, эрзялар яши торган авыллар буенча безнең тарафтан районның демография картасы төзелде. Узган атнада безнең советның өч вәкиле мордва халкының төбәкара иҗтимагый оешмасының VII Съездында катнашты”, – дип уртак­лаша Ирина Ивановна. Совет тарафыннан агымдагы елда мордва этник җәмгыятенең милли мәдәниятен саклау, Тәтеш районын­да мордва телен, тарихын, мәдәниятен үстерү  буенча кайбер чаралар планлаштырылган.

Чуаш милли-мәдәни үзәгендә дә тормыш кайнап тора. Аның Советына унөч кеше керә, һәм, аның рәисе Володар Тимофеев әйтүенчә, киләсе елда составны яңарту ниятләнә. Берләшмә җитәкчесе башкарылган эшләргә нәтиҗә ясап, Тоншермада чуашларның Саварни йоласы, “Чук­леме” дигән яңа уңыш бәйрәме, Кошки-Новотимбаевода чуаш мәгъ­рифәтчесе Иван Яковлевның туган көненә тантаналы кичәләр уздырылуын зур казаныш булып тора, дип билгеләп үтә. Әлеге чаралар инде матур гадәткә кертелгән. “Һәрбер чуаш авылында иҗади коллективлар бар. Алар респуб­лика күләмендәге бәйгеләргә баралар, район күләмендәге барлык чараларда диярлек катнашалар. Сер түгел, авылларда балалар кимегәннән-кими, һәм алар туган телдә бөтенләй диярлек сөйләшми, ә без бит телне, чуаш халкының мәдәниятен сакларга тырышабыз”, – дип сөйли Володар Аркадьевич. 
Россиялеләр дүшәмбе көнне Ха­лык­лар бердәмлеге көнен – кеше­ләрне мөһим тарихи вакыйгаларны хә­терләргә өндәүче, шулай ук күп милләт­ле илебездәге гражданнарның бердәмлеге турында искә төшерүче бәйрәмне билгеләп үтәчәк.    
  

Тәтештә Халыклар дуслыгы йортында дүрт милли-­мәдәни үзәк эшли. Халыклар бердәмлеге көне алдыннан без аларның җитәкчеләре белән аралаштык һәм эш нәтиҗәләре, киләчәккә планнары турында белдек. ­“Тәтеш районында төрле милләт кешеләре берничә йөзләгән еллардан бирле татулыкта гомер кичерә, аларның мәдәнияте тыгыз бәйләнгән. Безнең Халык­лар дуслыгы йорты – ул милли-мәдәни үзәк советына эшләр, гореф-гадәтләрне, йола­ларны саклауга йогынты ясаучы чаралар үткәрер өчен үзенә бер төрле мәйданчык. Халык­лар дуслыгы йортында балалар бакчалары сабыйлары, уку йортлары шәкертләре һәрдаим була, өстәвенә әле без Татарстан халыклары Ассамблеясе һәм Татарстанның Халыклар дуслыгы йорты белән тыгыз хезмәттәшлектә торабыз”, – дип уртак­лашты Тәтеш районында Татарстан халыклары Ассамблеясе вәкиллеге җитәкчесе ­Александр ­Дубровский.