Хезмәткә лаеклы түләнергә тиеш

(Тәтеш, 8 февраль, “Тәтеш таңнары”, Мария Храмова). Районның авыл ху­җа­лыгы һәм азык-төлек ида­рәсе белгечләре мәгъ­­лү­­матлары буенча, корылыклы катлаулы шартларда үсемлекчелектә җитеш­терелгән продукцияләрнең күләме – 100 775,6 ­тонна, уңдырышлылык – гектардан 22,1 центнер тәш­кил итте, бу Татарстан Рес­публикасы буенча икенче нәтиҗә. Тәтеш чөген­дерчеләре 245 172 тонна шикәр чөгендере җыеп алды, уңдырышлылык ­гектардан 400 ­центнер тәшкил итте, игътибарга алыйк, Татарстан Республикасы буенча бу сан гектардан 249,5 центнер тәшкил итте. Татарстанның чөгендер игүче хуҗалыклары арасында өченче ел рәттән инде  уңдырышлылык ­буенча иң яхшы күрсәткеч – тәтешлеләрдә.

Унбиш механизатор “Иң яхшы комбайнчы – 2021” республика конкурсында җиңүче булды.
Үсемлекчеләр агымдагы ел уңышына нигез салдылар: 17 176 гектар көзге иген чәчелде, шул исәптән иген культуралары мәйданыннан көзге ­бодай 38 процент чәчелде, 55 800 гектарда туфракны төп эшкәртү башкарылды, шул исәптән 35 800 гектарда җирләр тирәнтен сөрелде, кирәкле күләмдәге сабан культуралары орлыгы үз сәгатен көтә, минераль ­ашламалар туплау бара.

Шулай да быелгы авыл хуҗалыгы елы, күптән түгел Бакырчыда узган семинарда билгеләп үтелгәнчә, башка теләсә кайсысы ке­бек үк, үсемлекчелек тар­магының табышлылыгын гарантияләми. Район башлыгы Рәмис Сафиуллов авыл хуҗалыгы пред­приятиеләре җитәк­че­ләренә терлекчелеккә зур игътибар бирергә катгый рәвештә киңәш итә.

– Бу хуҗалыкның җи­тешлелек индикаторы, тер­лекчелек көндәлек ­финанс акчасы китерә, һәрбер хуҗалыкта резервлар бар. Җитештерү нәтиҗәле булырга тиеш, чөнки хуҗа­лыкка да үсештә булырга кирәк, һәм кешеләр ях­шы хезмәт хакы алырга ти­еш­ләр, – дип билгеләп үтте Рәмис Хатыйп улы. – Механизатор, хәтта уңыш мулдан булмаса да, яхшы һәм тот­рыклы хезмәт хакы алырга тиеш, чөнки кеше хезмәт куя.

Районның авыл ху­җа­лыгы һәм азык-төлек идарәсе мәгълүмат­лары буенча, кайбер хуҗа­лыкларның җитәк­челәре хезмәткәр­ләренең эш хак­ларын арттырырга омтылалар. Мисалга, 2020 елда “Колос”та айлык уртача хезмәт хакы 37 560 сум тәшкил иткән, узган елны бу санны 41 700 сумга кадәр җиткергәннәр; шулай ук “Бакырчы”да – 37 982 сумга һәм 42 192 сумга. 
Әлеге күрсәткечләр бе­лән беррәттән, “Волга” хуҗалыгында һәм “Ш. И. Хөсәенов” КФХда хезмәт хакы күрсәткечләре рес­публика һәм район дәрәҗә­сеннән түбән. 
– Әлеге предприятие­ләрнең җитәкчеләренә үзләренең эшчәннәренең җитешлеге хакында уйланырга һәм лаеклы хезмәт хакы түләргә кирәк, чөнки аларда да, башкалардагы кебек, шундый хезмәтчәннәр эшли, – диде районның авыл хуҗалыгы һәм азык-төлек идарәсе начальнигы Ирек Садриев.

Кадрлар потенциалын үстерү авыл хуҗалыгына озак вакытлы инвестиция булып тора, дип билгеләп үтелде. Авыл хуҗалыгы җитештерүчеләре халык, район һәм респуб­лика өчен авыл хуҗалыгы продукция­сен җитештерү һәм сату ­барышын тәэмин итәләр.

– Яхшы хезмәт хакы аг­росәнәгать комплексын­да кадрларны сак­лап калуны һәм авыл ху­җалы­гы һөнәрләренең җәлеп итү­чәнлеген тәэмин итә­чәк, – дип мөрәҗәгать итте Рәмис Сафиуллов авыл хуҗалыгы предприя­тие­лә­ре җитәкчеләренә һәм авыл хезмәтчәннәренең хез­мәт хакын 40 мең сумга кадәр җиткерүне таләп итте, ә алга таба ул ел саен артырга тиеш. Һәм болай дип өстәде: – Хуҗалыкларда сөт җитештерүне арттыру хезмәт хакы үсешенең төп факторы булып тора.