Коронавирустан вакцина ясату дәвам итә

(Тәтеш, 9 август, "Тәтеш таннары").

Масштаблы вакцинация берничә ай элек башланып китүгә карамастан, куркыныч чир­дән прививка ясарга теләүчеләр саны кимеми. Тәтеш хастаханәсе  поликлиникасының прививка кабинетына чират моның ачык мисалы булып тора.
– Гражданнар ­актив рәвештә прививка ясый. Бу гамәлнең әһәмиятен  аңлыйлар. Билгеле, кай­берәүләр кайгыралар, борчылалар да, әмма без кирәкле сүзләр табарга, чир прививкага караганда күпкә куркынычрак икәнен аңлатырга тырышабыз, – дип уртаклаша прививка кабинетының шәфкать туташы Наталья Розова.
– Прививка ясатыргамы әллә юкмы, дип уйламадым. Бу бүгенге хәлдә бик мөһим дип саныйм. Без ирем белән мәгариф учреждениеләрендә эшлибез һәм балаларны һәм хезмәттәшләребезне куркыныч астына куярга хакыбыз юк, аларны очраклы рәвештә йоктырасыбыз килми. Шушы көннәрдә икенче компонентны ясаттым. Беренчесе кебек үк, ул организмда бернинди дә тискәре реакция тудырмады. Иммунитет тиз генә формалашмый, барлык саклык чараларын үтим һәм шулай да вакцинация миңа ышаныч бирде. Сүз уңаеннан, өлкән балаларыбыз да прививка ясаттылар, ди шәһәрле ­Валентина Тихонова. 
Прививка кабинетына гомумтәҗрибә табибы караганнан соң, әгәр вакцинация өчен каршы күрсәткечләрне  ачык­­­­­­ланмаса, эләгергә мөмкин. Теләсә нинди прививкадан кебек, коронавирус инфекциясенә каршы вакцинадан соң да организмда кайбер реакцияләр ­булырга мөмкин.
– Баш һәм мускул авыр­тулары, хәлсезлек, туңу, астения, йокымсырау барлыкка ки­лергә мөмкин, ике көн дәвамында ­температура 38 градус­ка кадәр кү­тәрелергә һәм вакцина ясаткан урында авырту булырга мөмкин. Бу теләсә нинди прививкага иммунитет реакциясе, ул вакцинаның икенче дозасын кертү өчен киртә түгел, – дип билгеләп үтә Тәтеш хастаханәсенең гомум­тәҗрибә табибы ­Равия Рәхимова.

Узган атнада Тәтеш хастаханәсенә “Спутник Лайт” вакцинасының беренче партиясе 
кайтты.

– Ул беренче чиратта 18 яшьтән 60 яшькә кадәрге, коронавирус инфекциясе белән авыр­ган зат­ларны берен­чел вак­цинацияләү өчен бил­геләнгән. Төп шарт­ларның берсе: авырудан соң алты һәм аннан да күбрәк ай узарга тиеш, – ди Тәтеш хас­таханәсенең эпидемиология мәсьә­ләлә­ре буенча баш табиб ­урынбасары Алмаз Юнысов.

фото: Татар-информ