Мәдәният хезмәткәрләренең шаянлыгы һәрчак ташып торсын

(Тәтеш, 28 декабрь, “Тәтеш таңнары”, Сания Сәмигуллина). Тәтеш районының дүрт милләт халкының бердәмлеген чагылдырган “Дуслык” командасы бәйгенең беренче турында чыгыш ясап, икенче турга үтте. 

Әйтергә кирәк, Тәтештә тату яшәүче төрле милләт кешеләре хакында хәзер бөтен 
Татарстанда беләләр.

“Әлеге бәйгегә үзе­без­нең тарафтан уйлап чыгарылган көлкеле тамаша алып бардык. Әмма анда башкача төзәтмәләр кертелде, үзгәртелде. Чөнки беренче тапкыр гына катнашуыбыз булгач, КВН­ның шулхәтле катлау­лы икәнлеген төшенеп тә җитмәгән булганбыз икән, – диде “Әйдә, ШаяРТ”та катнашып кайткан Ләйсән Хәйруллина. – Халык го­мер-гомергә җор телле, шаярып-көлеп яшәгән бит инде. Әлеге бәйге, ми­немчә, уен-көлкеле ягы белән үзенә җәлеп итә.  Мәр­тәбәле жюри ­безне икенче турга сайлап ал­ды. Күптән түгел янә баш­ка­лабызның Габдулла Кариев исемендәге Казан татар дәүләт яшь тамашачы теат­рына барып, үзебезнең “көлке капчыгын” чишеп кайттык. Бу юлы без сәламләү чыгышы һәм ­танылган артистларның үзен­­чәлекле итеп төшкән фо­­тосурәтләренә тасвирлама бирдек. КВНны караганда гына кызык, ә аның никадәрле катлау­лы икәнлегенә бәйгедә катнашкач кына аңладык. Шуңа да ул безнең өчен үзенә бер төрле сынау һәм тәҗрибә уртаклашу булды.  Анда яңа дуслар белән таныштык, алар белән хәзер аралашып торабыз”.

Тормыш мәшәкатьләрен онытып торырлык шаян мизгелләр бүләк итүчеләр,  бүгенге көнебезне кызык­лы мәзәкләр белән рухландыручылар булганда яшәве дә күңелле. Ә инде башкаларга елмаерлык тамашалар күрсәтү, ул зур осталык таләп итә. Бу яктан Тәтеш районының мәдәният хез­мәткәрләренә тиңнәр юк дияргә була. Аларның җор телле һәм шаянлыгы һәр­чак шулай ургып торсын иде. 

рәсемдә: Бәйгедә катнашкан районыбызның “Дуслык” командасы./ФОТОНЫ ЛӘЙСӘН ХӘЙРУЛЛИНА ТӘКЪДИМ ИТТЕ