Мәгънәле сөйләшү булды

(Тәтеш, 19 июль, «Тәтеш таңнары», Мәдинә ИБӘТУЛЛИНА, автор фотосы). Киңәшмә эшендә прокурор Илдар Гайнуллин, район башкарма комитеты җитәкчесе Аркадий Семенычев, халык суды рәисе Андрей Сурков, җәмәгать судьясы Әлфия Зыятдинова, Буа районара тикшерү бүлеге җитәкчесе Илнур Сабирҗанов катнашты.
Чара барышында 2018 елның беренче ярты еллыгына район полициясенең оператив-хезмәт эшчәнлегенә йомгак ясалды, полиция бүлеге эшчәнлегендәге проблемалы мәсьәләләр каралды, киләсе ярты еллык­ка өстенлекле эш юнәлеше билгеләнде.

Тәтеш районы буенча эчке эшләр бүлеге начальнигы Ренат Хәсәнов полиция коллективының 6 ай дәвамында хезмәт күрсәтүен билгеләп үтте: шәһәр һәм районда уза торган чараларда,  РФ Президентын сайлаганда, Казанда футбол буенча дөнья Чемпионатында җәмәгать тәртибен һәм җәмәгатьчелек куркынычсызлыгын сак­лау тәэмин ителгән. 

Кайбер юнәлешләр буенча җинаятьчелектә күрсәткечләр кимегән, беренче ярты еллыкта ачылган җинаятьләр 76,5 процент тәшкил итә. Теркәлгән җинаятьләрнең саны шактый кимегән – 90, узган елның хәзерге вакыты белән чагыштырганда ул вакытта 137 булган. Кәрәзле элемтә һәм Интернет челтәрен кулланып файдаланылган алдакчылык очрак­ларының саны – район өчен дә, бүлек өчен дә проблемалы мәсьәлә, шул сәбәп­ле алар авыр ачылучылар булып торалар. 6 ай эчендә 5 очрак теркәлгән (2017 елның беренче ярты еллыгында – 8).  
Юл хәрәкәте иминлеген тәэмин итү – бүлек эшендә  нәтиҗәле төп күрсәткечләрнең берсе. Бүлек алты ай нәтиҗәләре буенча алдынгылар исәбен били. Әлеге вакыт эчендә шәхси состав тизлекне арттыруны бозуның – 279, транспорт руле артына исерек килеш утыруның – 33, транспорт йөртү хокукына таныклык булмауның 22 очрагын  ачыклаган. 

Экологиягә кагылышлы җинаятьләр көнүзәк булып кала. Тәтеш районы территориясендә табигый су ре­сурсларында законсыз җи­­тештерүне ачыклауга юнәл­дерелгән эшләр зур күләмдә башкарылган, ул үз эченә рейдлар үткәрүне, яр буе территорияләрен һәм Идел елгасы киңлеген дә колачлый. Балык тоту кагыйдәләрен бозган өчен 28 административ беркетмә ту­ты­рылган, “Уылдык” операциясе барышында законсыз балык тотуны тормышка ашыру факты буенча ике җинаять эше кузгатылган һәм судка озатылган, балык тотуда 15 җайланма алынган.

Тәтеш районы эчке эшләр бүлеге начальнигы Ренат Хәсәнов киңәшмәгә йомгак ясап, югары нәтиҗәләргә ирешер өчен һәрбер хезмәткәрнең хезмәт вазифаларын яхшы итеп башкару, шулай ук югары дәрәҗәдә профессиональ һәм компетентлы булу зарурилыгын билгеләп үтте.

Киңәшмәдә катнашучылар җинаятьләрне профилактикалау, район территориясендә җәмәгатьчелек иминлеген тәэмин итү мәсьәләсен тикшерделәр.