Профсоюз белән – тормыш буйлап

(Тәтеш, 24 сентябрь, «Тәтеш таңнары», Мәдинә ИБӘТУЛЛИНА, Андреева гаилә альбомыннан фотосы). Людмила Алексеевна ­про­ф­­­­­­­союзда кырык елдан бирле эшли, шуның 25 елын Тәтештәге мәгариф хезмәткәрләренең территориаль профсоюз оешмасына җитәкчелек итә. Үзенең эшләү еллары эчендә ул Татарстан Республикасы профсоюзлар Федерациясенең Мактау грамотасын алган, “Россия Профсоюзларына 100 ел” медале бар. Педагог, хезмәт ветераны республиканың “Белем би­рүдәге хезмәтләре өчен” Билгесе белән бүләкләнгән. Профсоюз хезмәткәренең шигаре: “Синең тормышыңда ничаклы көн булу мөһим түгел – синең көннәреңдә нинди тор­мыш булу мөһим!” 

Людмила Алексеевнаның фи­кердәшләре аның оештыручанлык һәм әйдәп баручанлык сәләте ярдәмендә районның профсоюз активистларының иң зур отрядының актив катнашуында профсоюзлар алдына куелган бурычлар уңышлы хәл ителә, проф­союз кадрлары ныгый, дип саныйлар.
“Тәтешнең профсоюз оешмасы берлеге эшчәнлеге нигезендә профсоюз хәрәкәтенең база принциплары булдырылды һәм шулай булып кала да: бердәмлек, гаделлек һәм хезмәт ияләренең берләшүе, – дип уртаклаша Людмила Андреева. – Проф­союз җитәкчесе буларак психолог та, менеджер да, идеолог та, сәясәтче дә булырга кирәклеген аңлыйм, шулай да җиңел аралашуны мөһим сыйфат дип саныйм һәм аны камилләштерү зарур. Моннан тыш хезмәт закончалыгы мәсьәләләрен белергә тиеш. РФ Хезмәт кодексын төп дәреслек дип саныйм. 
Тәтештәге 1нче урта мәктәпнең Профсоюз оешмасы шәһәр мәктәпләре арасында иң күп сандагы территориаль Профсоюз оешмасы булып тора, авылныкылар арасында – Олы Тархан; шәһәрдәге балалар бакчалары арасында – “Әкият”, авылныкылар арасында –   “Колобок” (Олы Тархан).

Районда профсоюз оешмасы һәм мәгариф бүлегенең бердәм эшчәнлек системасы барлыкка килде. Профсоюз оешмасы берлеге территориаль Килешү һәм белем учреждениеләрендә Коллектив килешүләрен үтәү мониторингын уздыра, анда хәзерге вакытта хезмәт шартларын махсус бәяләү буенча барлык эшче урыннар аттестацияләнгән. Сүз уңаеннан, коллектив килешүләрендә районның кайбер белем учреждениеләре бюджет, бюджеттан тыш һәм проф­союз оешмалары акчасы хисабына берничә өстәмә ташламалар кертелгән.
Көч-кодрәт, ныклык, күңел җылысы бирүче һәм ихтыяҗлык туганда катнашучы профсоюз активистларыннан башка – алар 300дән күбрәк кеше, проф­союз хә­рәкәтен үстерү мөмкин булмас иде. Беренчел профсоюз оешмалары рә­исләре: “Миләшкәй” балалар бакчасыннан Лилия Гайнетдинова, кадет мәктәп-интернатыннан Галина Россеева, хезмәт ветераны Илһам Мәүлетов, өстәмә белем бирү методисты Тать­яна Камаева мәгариф хезмәткәрләре профсоюзы­ның рес­ком грамоталары белән бүләкләнделәр. Укытучы, Тәтеш татар урта мәктәбенең профсоюз оешмасы рәисе Гөлфия Хөснетдинова ТР Профсоюзының иң югары бүләге – ТР ФНПР грамотасы алды. Проф­союз оешмасы берлегенең штаттан тыш техник хезмәт инспекторы Николай Зубрилин хезмәтне саклау буенча зур методик хезмәтне тормышка ашыр­ды. Үзебезнең һөнәри бәйрәм уңаеннан без бишенче ел инде “Районның иң яхшы өч беренчел профсоюз оешмалары” юнәлеше буенча бер еллык эш нәтиҗәсенә йомгак ясыйбыз, һәм әйдәп баручыларны районның проф­союз оешмалары рәхмәтләре, премияләре белән бүләклибез.

Республика журналында проф­союз оешмасындагы эшебез хакында бас­тырылган язманы сөенеп укыдык, безнең эш тәҗрибәсе турындагы ма­териал җирле оешма рәисләренең Бөтенроссия семинарында да тәкъдим ителде. ­Районыбыз студентлары, мәктәп укучыла­ры, педагогия хезмәте ветераннары ел саен рес­публика акциясендә – “Яшьләр Профсоюзны сайлый” Профсоюз проект­лары атналыгында катнаша, аның нәтиҗәсен үткән елны республика яшьләр журналы гомумиләштерде.

Эшчәнлек барышында без районның төрле эшчәнлек өлкәләрен тәкъдим итүче профсоюз оешмалары – АПК, медицина, мәдәният, мәгарифнең үз хезмәткәрләренә ярдәм итү һәм мәнфәгатьләрен яклауга юнәлтелгән эшен, сизелер­лек нәтиҗәләр алып ки­лүен күрәбез”.