Путин ветераннарга бер тапкыр бирелә торган түләүләр турындагы указны имзалады
Түләүләрнең күләме, ветеранның кайсы категориягә керүенә бәйле рәвештә, 50-75 мең сум тәшкил итәчәк.
(Казан, 7 февраль, «Татар-информ», Александра Давыдова). Россия Президенты Владимир Путин Җиңүнең 75 еллыгы уңаеннан Бөек Ватан сугышы ветераннарына бер тапкыр бирелә торган түләүләр турындагы указны имзалады. Бу хакта Кремльнең матбугат хезмәте хәбәр итә.
Әйтик, 75 мең сум күләмендәге түләүләрне Бөек Ватан сугышы инвалидлары һәм ветераннары, гетто һәм концлагерьларның элеккеге балигъ булмаган тоткыннары алачак. Шундый ук күләмдәге акча Бөек Ватан сугышында, совет-фин һәм совет-япон сугышларында һәлак булган сугышчыларның тол хатыннары һәм ирләре, шулай ук Бөек Ватан сугышында һәлак булган инвалидлар һәм сугышта катнашучыларның тол хатыннары һәм ирләренә биреләчәк.
Тыл хезмәтчәннәре, гетто, нацист концлагерьлары һәм төрмәләренең элеккеге балигъ булмаган тоткыннары 50 мең сум акча алачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев