“Шатлык”ның үз йөзе бар

(Тәтеш, 10 декабрь, “Тәтеш таңнары”, Сәния Сәмигуллина).   Ансамбль үзенә бер төркем гүзәл ­затларны, авылдагы “Ак калфак” бүлеге вәкилләрен туп­лаган. Аларның чыгышлары балалар өчен дә, олыларга да, авыл һәм шәһәр тамашачысына да аңлаешлы – йөрәктән чыгып, йөрәк­ләргә барып җитә торган. Җырларын бер сулышта, таң калып тыңлыйсың.
Ансамбльнең исеме аеруча да үзенә тартып тора. “Шатлык” сүзен ишеткәч үк, күңелне ниндидер җы­лылык биләп ала. Бу хакта сүз чыккач, коллективта күпчелегенең элекке “Көләч” ансамблендә катнашучылар икәнлеге ачык­ланды. Оешып киткәндә киңәш-табыш иткәннәр дә, бик матур исем – “Шатлык” күңелләренә аеруча да хуш килгән.  “Ансамбльдә төрле һө­нәр ияләре һәм төрле яшьтәге кешеләр бар. Аларның иң яшенә – 44, иң өлкәненә – 65. “Шатлык”ны оештырып җибәргәндә авылдашым Миләүшә Әх­мә­дуллина, сценарий тө­зегәндә Малинә Измайлова зур ярдәмчеләрем булды, – ди ансамбльнең җитәкчесе Алсу Халикова. – Алсу Шәһиәхмәтова, Таһирә Таһирова, Малинә Измайлова, Алсу Халикова, Кадрия Халикова, Әлфия Шәрәева, Инзилә Батталова, Рузинә Йосыпова, Җәүһәр апа Сюндюкова, Миләүшә Әхмәдуллина, Фирдәвес Ибраһимова, Мә­динә Хәмитова, Хәмдия Әхсәнова “Шатлык” төр­кемендә халкыбызның борынгы һәм ­заманча җыр­ларын башкарып, кү­ңелле ял кичәләрендә авыл эш­чәннәрен матур чыгышларыбыз белән сөен­дерергә тырышабыз”. 

Алсу Заһирҗан кызы әйтү­енчә, ансамбль районда “Ак калфак” оешмасы барлыкка килгән  мәлдә, ике ел элек үзенең иҗади тормышын башлап җибәргән. Шушы вакыт эчендә алар төрле чаралар үткәреп, хәтта күрше Ульян каласыннан да мәртәбәле кунак­лар кабул иткәннәр. Күркәм җырлары, чыгышлары өчен “Шатлык” ансамбле төрле дәрәҗәдәге Рәхмәт хатлары, Дипломнар белән билгеләп үтелгән. 

“Алар бик активлар. Җыр­лары, милли киемнәре белән соклану уяталар. Без үзешчәннәрнең чыгышларын бик яратып тыңлыйбыз”, – диделәр Үтәмеш кешеләре. 
Кабатланмас үз йөзе булган ансамбль киләчәктә дә район сәхнәләрен яулар, үзенең җырлары белән тагын да шатландырып торыр әле, дигән өметтә калабыз. Уңышлар сезгә, “Шатлык”!

“Шатлык” ансамбле үзешчәннәре./ФОТО ГӘҖИТЕБЕЗ АРХИВЫННАН