Тәтеш үзәк район хастаханәсе баш табибы Илья Савельев сорауларга җавап бирә

(Тәтеш, 25 апрель, “Тәтеш таңнары”). Без барлык сорауларны, гозерләрне баш табибка җиткердек һәм Илья Вячеславович аларга шәхсән үзе аңлатма бирде.
– Элек хастаханәдә физиотерапевт кабинеты бар иде, анда без, спортчылар, һәрвакыт дәвалану алдык. Коронавирус пандемиясе вакытында аны яптылар, ул бүгенге көнгә кадәр эшләми. Киләчәктә аны ачарлармы икән? (Тәтеш районы спортчылары.)
– Ремонт тәмам­ла­нган­нан соң, кабинетны ачу планлаштырыла.

– Хастаханәдә нигә кардиолог һәм УЗИ белгече юк? Тикшеренүне акчага ясатырга туры килә. ­(Аноним.)
– Табиблар штатын кирәкле бел­гечлекләр, шул исәптән карди­олог белән комплектлау планлаш­тырыла. Район халкына кардиологик ярдәм күрсәтүнең һәр­кемгә мөмкин булуы һәм га­мәлдәге ­табиб-терапевтларны һөнәри укы­­ту максаты белән май аенда ТР Сәламәтлек саклау минис­тр­лыгының баш кардиологы катнашында күчмә кардиология мәктәбе үткәреләчәк.

–  Мин – федераль ташламага ия. Дарулар алу өчен аптекага киләм, еш кына алар булмый һәм мине поликлиникага чиратка язылырга җибәрәләр. Даруханәдә булган дарулар исемлеге медицина хезмәткәрләренең кул астында булсын иде. (Юрий М.)
– Алырга мөмкин булган дарулар исемлеге участок табибларында бар. Рецептларны үз вакытында чыгару зарурилыгы производство киңәшмәсендә хезмәткәрләргә җитке­релде.
– Тәтештә ­стационарда яттым. Икмәкне бик зур кисәк­ле итеп кисәләр, ашаганда бик кыен. Мисалга, Олы Тархан хастаханәсендә кечкенә ки­сәк­ләргә бүлеп, уңайлы итеп бирәләр. (Владимир Т.)
– Сезнең теләгегез кух­ня хез­мәт­кәрләренә җит­керелде.

Хөрмәтле газета укучылар! Әгәр сезнең Тәтеш үзәк район хастаханәсе баш табибы Илья Савельевка сорауларыгыз булса, редакциягә ­­8(84373)2-54-95
номеры буенча шалтыратыгыз. Без аларны белгечкә тапшырачакбыз һәм җавапларны газетабыз битләрендә бастырачакбыз.