Тәтешкә хәйрия азык- төлек җыелмаларының беренче партиясе килде

(Тәтеш, 13 май, "Тәтеш таңнары").  Шәһәрдә азык-төлек җы­ел­масы тарату бе­лән волонтерлар шө­гыльләнә, ә район авылларында – авыл җирлеге ­башлык­лары.

ТР Президенты Рөстәм Миңне­ханов гражданнарга социаль ярдәм максатында шундый җыелмаларны тарату инициаторы булып чыгыш ясады.

Җыел­ма­ларны майда, июньдә 500 гаилә ­алачак:
– ялгыз яшәүче 65 яшьтән өлкән, кереме яшәү минимумыннан түбән булган гражданнар; 
– 8 яшьтән өлкән балалары булган аз керемле гаиләләрдәге балалар; 
– опека һәм попечительлек буенча вазифаларны бушлай нигездә башкарган, социаль куркыныч хәлдәге гаиләләр; 
– ата-аналарның берсе алимент түләүдән читләшкән һәм ата-аналары “үзмәшгуль” булып торган балалар яки кризис­тан аеруча да зыян күргән шәхси эшкуарлык тармагындагы ата-аналарның балалары. 
Әлеге төргә кергән мохтаҗ гражданнарга ике ай дәвамында дүрт  тапкыр азык-төлек җы­елмасы китерәчәкләр.
“Ярдәм янәшә! Помощь рядом!” республика хә­рәкәте программаны тормышка ашырырга ярдәм итә, аны ТРның барлык районнарыннан волонтерлар хәрәкәте, хәйриячеләр берләштерә.

Азык-төлекне алучылар исемлеге ТР Хезмәт, мәшгульлек һәм социаль яклау министрлыгы ­тарафыннан билгеләнде.

Татарстан эшкуарлары илнең бер зур кибет челтәре аркылы безнең районда 4 баласы булган гаиләләргә 104 азык-төлек җыелмасы биргәннәр. 
фото: архив/Авангард