Балалар белән аерылышу һәрвакыт ямансу

Тәтешле Галина Масанкина хезмәт юлын “Башаккай” балалар бакчасында кече тәрбияче вазифасыннан башлап җибәргән, ул чакта анда бары тик учхоз хезмәткәрләренең балалары гына йөргән.

– Балалар ­бакчасы бинасы җылы һәм уңайлы булган ке­черәк агач бинада урнашкан иде. Ике төркем иде. Мин эшкә урнашканда су һәм канализация бар иде инде, ә менә сөт алырга без фермага үзебез чиләкләр белән бардык, икмәк алыр өчен кибеткә үзебез йөрдек, – дип искә төшерә Галина Александровна.

Сабыйларны кайгыртып, 33 ел си­зел­мичә дә бик тиз узып киткән. Биредә тәрбияләнүчеләр үсеп буй җиткәннәр, күпләр инде тугыз ел элек яңа бинага “күчерелгән” “Башаккай”га үз балаларын йөртәләр. Галина Александровнаның балалары һәм оныклары да шушы балалар бакчасына йөргән.

– Еллар узу белән эш шартлары да яхшырды, әлбәттә. Суның кайнары да,  салкыны да бар. Ә безнең эшчәнлектә бу бик зур әһәмияткә ия, – дип билгеләп үтә ул.

Галина Александр­овнага, шактый зур тәҗрибәсе ­булуга да ­карамас­тан, үзенең ­карамагында тәр­бия­ләнүчеләр белән аерылышу, аларны мәк­тәп тормышына озату һәрвакытта да ямансу. Һәм бу гаҗәп тә түгел: алар балалар белән бергә  берничә елга сузылган озын юл узалар һәм бер-берләре өчен якын кешеләргә әвереләләр.