Бер-берегезгә таяныгыз

(Тәтеш, 29 ноябрь, Тәтеш таңнары, Мәдинә ИБӘТУЛЛИНА). Кеше хакында бу үз урынында дигән бәхетле очрак булуын аңлата.

Әлеге ягымлы ханым оештыру бүлеге мөдире, шул ук вакытта районның мә­дә­ният хезмәткәрләре проф­союз комитеты рәисе;  “Бердәм Россия” Бөтенроссия сәяси партия­сенең Татарстан төбәк бүлегенең Тәтеш җире бүлеге “Үзәк” беренчел бүлек секретаре. “Документлар белән кайчакларда төннәрен дә эшләргә туры килә, шәхси вакыт турында уйлап та тормыйм, – дип уртаклаша Гүзәл Мөнир кызы. – Мин үземне профессионал дип санамыйм. Үзеңнең белем дәрәҗәсен һәрвакытта үстерергә кирәк”.

Гүзәл Ибраһимова үз­үзеңне үстерүгә ом­ты­лу кебек сыйфатны мәктәптә эшләү тәҗ­ри­бәсеннән алган. Ул Тәтеш педагогия училищесын тәмамлаганнан соң, сигез ел Олы Тормы урта мәктәбендә эшли. Шәһәрдә яшәсә дә авыл мәктәбендә кыенлык­лар кичерми, иң мөһиме – шатлык китерә. Гүзәл Мөнир кызы әлеге мәктәпне дә, коллективны да, авыл кешеләрен дә хөрмәт белән искә ала. Шул ук вакытта читтән торып икенче югары белемгә ия була. Кияүгә чыгуы һәм беренче баласының якты дөньяга аваз салуы тормышында яңа бер матур мизгелләр. Компьютер курс­­ларында кызыксынып укый һәм районыбыз­ның мәдәният бүлеге­нә секретарь булып ур­наша. Өч көннән соң “хезмәт сынавы” ала – үзешчән артистлар һәм мәдәният хезмәткәрләре белән бергә Ивановога Сабан туена китә. Барысы белән дә таныша, аралаша һәм биредә һәрбер көннең ниндидер кызыклы, көтелмәгән күренешләр алып килүен аңлый. Әле тагын, һәр бәйрәм артында гаять зур хезмәт тора. “Без бер бәйләмдә, команда. Бу аеруча да киң күләмле бәйрәмнәр оештырганда сизелә – һәркем эштә ачыла. Мин профсоюз рәисе буларак, һәрвакытта хезмәткәр яклы, аның мәнфәгатьләрен яклыйм. Эш бирүче һәм хезмәткәр арасындагы мөнәсәбәтләрдә “саклагыч”та бу­лыр­га туры килә, күп кенә бәхәсле хәлләр шунда ук бүлмәдә җайга салына. Юлламаларны һәм бәйрәмнәргә бүләкләрне ялгышып профсоюз белән бәйлиләр. Бу һич тә алай түгел. Профсоюз – хезмәт хокукларын һәм эшчәннәрнең законлы мәнфәгатьләрен яклый. Таяныч”, – дип басым ясый Гүзәл Мөнир кызы. 

“Кайвакытларда төшен­ке кәефне өйгә дә алып кайтам, ул чакларда улым миңа “эшеңне хезмәт урынында” калдыр, дип искә төшерә”, – дип әңгәмәне дәвам итә ул. – Улым 9нчы сыйныфта укый, кызым – 4нчедә. Мин кырыс, таләпчән әни, әтиләре вахта ысулы белән китеп эшли, авыр­га туры килә, әлбәттә, әмма балалар аның яратуын һәм ярдәмен тоялар. 
Без һәрвакытта бергә: дәресләрен дә тикшерәм, мәктәп хәбәрләре белән дә кызыксынам, көн ничек узуын, нәрсә белән шөгыльләнүләрен, нинди яңалыклар белүләре хакында һичшиксез сорыйм. Балалар хезмәт сөючән, кайгыртучан, игелекле булып үсәләр – бу сөендерә. Эш көннәрендә йорт өчен вакыт аз кала, ә ялларда аларны тәмле ризыклар пешереп сыйларга тырышам, манты, өчпочмак әзерләргә яратам. Рецептлары гадәттәгечә, иң мөһиме – барысын да яхшы кәеф белән ясарга кирәк. Балаларым миңа һәр нәрсәдә булыша. Алар гаилә киңәшмәләрендә катнаша, хәтта сатып алынасы әйберләр турында да бергәләшеп фикер алышабыз. Алдагы бердәм ял итү хакындагы тема аеруча да сөенечле. Әтинең сүзләрен искә тө­шерәм, безгә, өч кыз туганга, ул һәрвакытта болай ди: “Бер-берегезгә таяныгыз!” Әлеге хакыйкатьне мин балаларыма да кабатлыйм. Дөньяда гаилә кыйммәтләреннән дә мөһимрәк берни юк”.
Александр Мальченко фотосы.