Гаилә тарихын язган

Без бәйгече белән элем­тәгә кердек һәм кат­нашу ничегрәк булуы, нинди тәэсирләр алуы хакында аралаштык. 

– Әлеге бәйгене рес­пуб­лика газеталарының бер­­се оештырды. Һәм мин аның әниләргә ба­гыш­ланган икәнлеген күргәч, бик тә катнашып карыйсым килде. Шарт буенча мин социаль чел­тәрдәге үз битемдә егерме бер көн дәвамында төрле биремнәрне үтәргә тиеш булдым. Бу мара­фон­да беренче тапкыр кат­нашуым. Анда әниләр, әтиләр, бала тәрбияләү, хатын-кызның бу дөнь­ядагы әһәмияте, шулай ук ирекле темаларны сайлап алып, үз тарихың, гаиләң, туганнарың ха­кында язарга мөмкин булды. Мин шулай эш­ләдем дә. Аннары инде йомгаклау тантанасына чакыру алдым. Анда инде төрле белгечләрнең, ар­тистларның, дин әһел­ләренең үтемле чы­гыш­ларын тыңлап хозур­ландык. Әлеге чарага 141 әни килгән иде, кат­нашучылар тагын да күбрәк булды. Аннан бик матур тәэсирләр алып, хозурланып кайттым, – диде әңгәмә азагында Әлфия Гали кызы.  

фотоны Әлфия Заһи­дуллина тәкъдим итте