Гүзәл Рахманова: Эшемдә барысы да ошый

(Тәтеш, 24 март, “Тәтеш таңнары”). Гүзәл Рахманова 2014 ел­ның апреленнән “Яңа ­гасыр” яшьләр мәдәни-күңел ачу үзә­гендә документларны исәпкә алу, саклау белгече булып эшли.  

Хезмәт вазифалары катлау­лы түгел, район газетасында һәм телеүзәктә эшләгән вакытта алган тәҗрибәм дә ярдәм итә, дип белдерә. 

– Эш вакытын исәпләү табель­ләрен алып барам, бюд­­жеттан тыш эшчәнлекне исәп­кә алам, фильмнар күрсә­тү буенча счетлар төзим, үзәкләштерелгән бухгал­териягә документлар җибәрәм, – дип исәпләп үтә Гүзәл Зефир кызы. – Эшемдә барысы да ошый, хезмәт хакын да ел саен арттырып торалар.

Үзенең төп эшчәнлегеннән тыш, “Яңа гасыр” яшьләр мәдәни-күңел ачу үзәгендә үткәрелә торган чараларны фотога төшерә, верстка һәм фотошопта эшләү күнекмәләрен кулланып,чаралар өчен афишалар ясый. Шулай булгач, аның тормышында иҗатка урын бар.

– Минем 9 ел эшләү дәверендә аның үзенчәлеге үзгәрде һәм күләме артты. 2015 елдан яшь­ләр мәдәни-күңел ачу үзәгендә фильмнар күрсәтү өчен яңа җайланмалар кулланыла, сеанслар саны артты, димәк, эш тә күбәйде дигән сүз, – дип билгеләп үтә Гүзәл Зефир кызы.