Һәркемнең үз остазы бар

“Безнең һәркайсыбызның тормышында үз остазлары бар. Башлангыч юлыбызда бу рольне безнең әниләр үти. Берникадәр вакытлар узгач, без балалар бакчасына барабыз. Ә киләсе этап – ул мәктәп, без анда укытучы дигән һөнәр иясе булган кешеләр белән очрашабыз. Кеше өчен укытучысы, аның янәшәсендә унбер ел буе кем булачагы никадәр мөһим булуы турында күпме китаплар язылган, күпме фильм­нар төшерелгән!  

Нина Ивановна 1935 ел­ның 25 ноябрендә Горький өлкәсенең Сормово шәһә­рендә туган. Сугыш чоры балалары буынының берсе. Бө­ек Ватан сугышы вакытында Тә­тешкә күченгәннәр. Нина Ивановнаның бабасы Князев ­Монастырский авылында тимерче булган. Тәтештәге 1нче урта мәк­тәпне тәмамлаганнан соң, Казан дәүләт педагогика инс­титутының чит телләр факультетына “немец һәм инглиз телләре укытучысы” бел­гечлегенә укырга кергән. Институтны тәмамлагач, бер ел Олы Шәмәк авы­лында эшләгән, ә аннары – ­1нче мәктәптә. Нина Ивановнаның гомуми хезмәт ­стажы – 42 ел.       

Аның дәрес­ләре бик кызык­лы, бай эч­тә­лекле, төрледән-төрле методик алымнар белән тулыланган була иде. Ул үзе­нең гамәли һәм күпьеллык тәҗрибәсен кулланып, яшь пе­дагогларга дәрес планнарын дөрес, методик яктан белемле итеп төзергә ярдәм итте. Нина Ивановна сыйныфтан тыш зур эшләр башкарды. Мәктәптә милләт дуслыгы клубы оештырды. Мәктәп укучылары ГДР, Польша, Чехословакия, Венгриядәге мәктәп укучылары белән хатлар языштылар. Нина Ивановна – таләпчән, ләкин га­дел, игътибарлы, аңлаучан, ша­ян хисле, иҗади һәм авыр минутларда һәрчак ярдәм итәргә әзер укытучы иде. Нина Ивановна берничә ел мәктәп профкомы рәисе булды, райондагы чит телләр укытучыларының методик берләшмәсенә җитәкчелек итте. Аның тарафыннан төрле семинарлар, конференцияләр, ачык дәресләр оештырылды һәм үткәрелде. Ул үзенең хезмәтендә һәм мәктәп укучылары хакына янып-көя торган укытучы булды. Үзе артыннан ияртеп бара белүче,  аралашканда бик кызыксындыргыч, һәрдаим яңалыкны белергә омтылучы һәм, әлбәттә, бала күңелен тоя белүче укытучы иде. Нина Ивановна хәзерге вакытта лаеклы ялда”, – дип яза Елена Евгеньевна.

фотоны Елена Кудяева тәкъдим итте