Игълан ителмәгән хәрби хәрәкәттә катнашкан

(Тәтеш, 28 декабрь, “Тәтеш таңнары”, Елена Викторова). Виктор Егорович 1942 ел­ның 28 сентябрендә Ямбакты авылында туган. Хәрби булырга балачактан ук хыялланган һәм Монастырский урта мәктәбендә укыганнан соң, Ленинградтагы С. М. Киров исемендәге Югары гомумгаскәри команда училищесына укырга кергән, аны тәмамлагач, бил­геләнеш буенча Байкал аръягы хәрби округы командующие карамагына җибәрелгән.
– Хәрби хезмәтне Монго­лия­дә разведка отряды командиры вазифасында үттем. Бер елдан разведка ротасы командиры  итеп билгеләндем, – ди  Виктор­Егорович. 

Ирешкән уңышлары өчен аңа СССР Министры оборонасы боерыгы белән вакытыннан алда өлкән лейтенант исеме бирелгән. Аннары Төньяк Кавказ хәрби округында, Майкопта хез­мәт иткән. Виктор Егорович бу вакытта СССР Кораллы Көчләре Гене­раль штабы каршындагы “Выстрел” Югары офицерлар курсының “Хәрби разведка” бүлегендә укулар узган.  

– Шунда ук, Майкопта, миңа полкта хезмәт итәргә туры килде, аңа майор Борис Громов командалык итте, нәтиҗәдә – гаскәрләрне Әфганстаннан чыгаручы Совет­лар Союзы Герое, – дип искә тө­шерә Виктор Егорович. – 1975 елда мин капитан исемен алдым һәм Новороссийскига күпер батальоны командиры вазифасында күчерелдем.  
Аны 1980 елда ­Ангола Халык Республика­сына хез­мәткә күчергәннәр. Совет хәрби­ләренең бурычы: Ан­гола Кораллы көчләре (ФАПЛА) булдыруда интернационал ярдәм күрсәтү булган.    

– Илебездә 1975 елдан 1992 елга кадәр булган вакыйгалар турында аз сөйләделәр. Ләкин хәрби хәрәкәт вакытында СССР бары тик соцблок илләрендә генә түгел, шулай ук ерак Африкада да үз мәнфәгатьләрен яклады. Безнең хәрбиләр Африка җирле бәрелешләрендә катнаштылар, шулардан иң зурысы Анголадагы гражданнар сугышы булды, – дип билгеләп үтә Виктор Егорович. – Без яшәгән муниципалитетта һәр елны карнавал үткәрделәр. Совет киңәшчеләре буларак, без дә анда катнаштык, президиумда утырдык. Бервакыт без утырган өстәл астына мина куйганнар иде. Унитларның максаты безне юк итү булды. Әмма аларның җитәкчелеге совет киңәшчеләрен үтермәскә, чөнки җиңгән очракта, алар­ның кирәге чыгуы бар, дигән боерык бирде.   

Виктор Егорович 1984 елда командировкасы тә­мам­лангач, Новороссий­скига кайткан. Йөк­ләмә­ләрне фидакяр үтәгә­не өчен “СССР ВСда ­Ватанга хезмәт иткән өчен” ордены бе­лән бүләкләнгән, аңа подполков­ник исеме бирелгән. 

Ул бүгенге көндә исән булмаган дусларының ис­тә­леген хөрмәтләп искә алу өчен, 16 нояб­рьдә ел саен “Игълан ителмәгән хәрби хәрәкәттә һәлак булган новороссия­леләр” һәй­кәленә килә.   

фотоны Виктор Ильин тәкъдим итте