Кешеләр турында – рәхмәт белән

Аның сүзләренчә, китап язарга аны ниндидер сихри көч этәргән. Автор әлеге китапта аның вакыйгаларга бай тормыш юлында очраган кешеләр турында язасы килгән. Әлеге кешеләрнең истәлекләре аларның туганнары һәм якыннары, безнең район халкы, киләчәк буыннар йөрәгендә яшәсен өчен.

– Язмыш миңа яхшы укытучылардан, гомер буе чын дус булып калган группадашлардан өйрәнергә мөмкинлек бирде. Районның кайбер предприятиеләрен һәм оешмаларын җитәкләп, миңа хәзерге яшьләргә тиң булган кешеләр белән эшләргә туры килде, бу кешеләр безнең район, республика һәм тулаем ил файдасына хезмәт иттеләр, – ди Зиннур Фәрваз улы. – Үз әсәремдә мин 1982 елдан башлап район­ җитәкчеләренең эшчәнлегенә анализ ясадым, күпме зур файдалы һәм игелекле эшләрнең тормышка ашырылуы һәм күпме мөмкинлекләр­нең югалтылуы турында ­фи­керләдем.

Китапны чыгару идеясе, аның раславынча, 2019 елда, пенсиягә чыккач килеп туган. Нәкъ шул вакытта уйлану, фикер йөртү, язу өчен вакыт барлыкка килгән. Ике мең биткә якын кулъязма текст ел ярым эчендә язылган. Текст­ны электрон вариантка күчерергә хатыны Мәсхүдә ярдәм иткән. Шул ук вакытта ул иренә кайбер урыннарда үз фикерен ничек яхшырак белдерергә кирәклеге турында үз киңәшләрен дә биргән. Тормыштагы кебек үк, йомшак һәм тыйнак итеп, хатын-кыз иренә иҗатта да ярдәм иткән.

– Китап дөнья күрсен өчен, миңа Нурлат рай­онының элеккеге башлыгы Наил Шәрәпов, Тә­теш районының элеккеге башлыгы Марат Фазлыев, эшмәкәрләр Дамир Шәйдуллов, Илдар Сөләйманов, Юрий Ишелев зур ярдәм күрсәттеләр. Текстны төзәтергә Мәдинә Ибәтуллина булышты, – дип уртаклашты Зиннур Фәрваз улы. – Минем Казан типографияләренең берсендә басылган әсәрем өч йөз данә тираж белән чыкты.

Презентациядә Нурлат, Чистай, Яр Чаллы, Биектау һәм Тәтеш районнарыннан килгән кунаклар катнашкан, һәм аларның һәркайсы бүләккә китап алган.

– Безнең очрашу җылы һәм дустанә мөхиттә үтте. Безгә, туганнар кебек, сөй­ләшер һәм искә тө­шерерлек  нәрсәләр күп иде, – дип елмаеп әйтте автор. – Шулай ук китапта да, миңа бергә яшәргә һәм эшләргә туры килгән кешеләр турында рәхмәт сүзләре белән генә сөйлим.

Китапның бер нөсхәсен Зиннур Фәрваз улы без­гә – “Авангард” газетасы ре­дакциясенә дә бүләк итте.

фото: архив/Авангард