Людмила Воробьева эшкә шатланып килә

(Тәтеш, 18 июнь, «Тәтеш таңнары»).Тәтеш үзәк район хастаханәсе поликлиникасындагы чис­талык һәм тәртип – эш бүлмә­ләрен җыештыручы Людмила Воробьеваның хезмәт нәтиҗәсе.

– Хезмәт эшчәнлеген сатучы булып башлап җибәрдем. Район хастаханәсендә 2006 елдан бирле эшлим. Башта – керләр юучы идем, ә сигез ел элек поликлиникага күчтем, – ди Людмила Николаевна. 

Аның вазифасына көн саен бүл­мәләрне җыештыру, авыруларга һәм шәфкать туташларына ярдәм итү, атнасына ике тапкыр хирургия кабинетында бөтен җирне җыештыру керә.

–  Бездә коллектив әйбәт, шуңа күрә эшкә һәрчак шатланып киләм, – дип билгеләп үтә Людмила ­Николаевна.

Ә инде үз эшеңне яратасыңмы дигән сорауга: “Әгәр иренмәсәң, теләсә нинди эш ошаячак”, – дип җавап бирә.