Почтаны кар машинасында да илтә

Светлана Вишнякова 2011 елдан поч­та бүлегенә җи­тәк­челек итә, аңа ка­дәр почтальон булып эшләгән. Аның бу тармактагы гомуми стажы – 20 елдан күбрәк.

Светлана Викто­ровна хәзерге вакытта өч авылга – Кадыш, Васильевка һәм Красный Востокка хезмәт күрсәтә.

– Үз эшемне яратам, кешеләр белән эшлибез. Хезмәт шартларыбыз әйбәт, безне мәктәп бинасына күчерделәр, биредә җылы һәм якты. Тик бәяләр генә, халык әйтмешле, “тешли”, товарлар яки язылу бәяләре булсынмы. Шулай да, авылдашлар товарларга заказ бирәләр, без аларны илтеп тапшырабыз. Җәй көне йөрүе җиңелрәк, чөнки машина белән барабыз. Кышын еш кына кар машинасында йөрергә туры килә. Аңлаучан кешеләр булуы яхшы, кире какмыйлар, – дип уртаклашты почта элемтәсенең тәҗрибәле хезмәткәре.

фото: публикация герое тарафыннан тәкъдим ителде