Рөстәм Шакиров “И. С. Казаков”та механизатор булып биш елдан бирле эшли

(Тәтеш, 28 август, “Тәтеш таңнары”). 

Рөстәм Шакиров “И. С. Казаков”та механизатор булып биш елдан бирле эшли. Авыл хуҗалыгында  хезмәтнең нәрсә икәнлеген ул балачагыннан ук белә, чөнки аның әтисе дә механизатор булган. Аның сукмагыннан бары тик Рөстәм Мөнир улы гына түгел, аның ир туганнары да киткән. Барысы да авыл хуҗалыгында эшлиләр.

–  Язын – чәчү, хәзер һәм көзен – урып-җыю, кышын күбесенчә техникаларны ремонтлау белән шөгыльләнәбез. Урак өсте барыннан күбрәк ошый, бу вакытта коллектив белән эшлисең, – ди механизатор.

Авыл хуҗалыгы ­предприятиесе җи­­­тәк­чесе әйтүенчә, Рөстәм Мөнир улы бер көндә гектардан 50 центнер уң­дырышлылык белән 25 гектардан күбрәк игенне эшкәртә.