Сабыйлар өчен ризыклар пешерә
27 сентябрь – Тәрбиячеләр һәм мәктәпкәчә белем бирү хезмәткәрләре көне.
Шәһәрле Елена Самаркина үзенең бөтен гомере “Каенкай” балалар бакчасы белән бәйле, ди. Һәм бу, чынлап та, шулай. Ул әлеге балалар бакчасында 37 елдан күбрәк хезмәт куя, шуның 35 елы – аш пешерүче булып.
– Мәктәптә укыганда ук инде, җәйге каникулга чыккан вакытта, “Каенкай”да нянечка булып эшли идем, һәм мәктәпне тәмамлагач, әлеге балалар бакчасына няня булып эшкә урнаштым. Аннары поварлыкка укыдым һәм кабат яраткан балалар бакчасына эшкә килдем, – дип искә төшерә Елена Анатольевна. – Без өч аш пешерүче, мин – өлкәне. Балалар өчен иртәнге, төшке, җиңелчә туклану, кичке аш әзерлибез. Алар токмач, манный боткасы, токмачлы аш, щи һәм пәрәмәчләр бик яраталар, аны да шулай ук үзебез пешерәбез.
Елена Анатольевна белдерүенчә, аш пешерүче буларак, аның өчен иң мөһиме, сабыйларның алар тарафыннан пешерелгән бөтен ризыкларны да яратып ашавы.
– Без әзерләгән барлык ризыкларны да тәмле булган дип тукланалар икән, күңел шатлана, – ди тәҗрибәле аш пешерүче.
Следите за самым важным и интересным в Telegram-каналеТатмедиа
Нет комментариев