Сайлаган юлына тугры

Шәһәребездәге 1нче урта мәктәп директоры Илдар Фәткуллов –  кодрәтле, иҗади һәм максатчан кеше.

Илдар Роберт улы Буа районының Иске Суыксу авылында туа. Һөнәр сайлау мәктәп директоры һәм физика укытучысы үрнәгендә билгеләнә, ул шулай ук фото түгә­рәгенә җитәкчелек итә. Белем һәм иҗат белән илһамланган балалар һәрвакытта нәкъ тә менә шушы остазлар тирәсе­нә җыела торган була. Мәктәпне тә­мамлагач, булачак директор физика-математика юнәлешен сайлый һәм педагогика институтына укырга керә. Әмма укуы армиядә хезмәт итү аркасында өзелә – Илдар Роберт улы Ерак Көнчыгышта чик буе гаскәрләрендә хезмәт итә. Укуын армиядән кайткач кына тәмамларга туры килә.

Диплом алгач, 1988 елда яшь белгеч бил­геләнеш буенча Тәтешкә кайта. Би­редә физика укытучысына ихтыяҗ килеп чыга, берьюлы информатика фә­нен дә таныту башлана. Шәһәрдә­ге 2нче урта мәктәптә алган беренче эш тәҗрибәсе булачак җитәкченең һөнәри тормышында мөһим этапка әйләнә. Озак та үтми мәгариф учреждениесенә пленкалы клавиатуралы беренче компьютерлар кайтарыла, ә мәктәп ком­пьютерлаштыру буенча район укыту-методик үзәгенең базасына әверелә.

Илдар Фәткулловка 1нче урта мәктәп директоры ва­­зифасы тәүге тапкыр 2001 елда йөклә­нә. Ул вакытта коллективта 1 250гә якын хез­мәткәр һәм укучы була. Һәм директор яңа эшне бик яхшы башкара. Ләкин аның тәҗрибәсе һәм югары оештыру сәләте эш­чәнлекнең башка өлкәсендә дә кирәк була, шулай да берничә елдан соң ул яңадан мәктәп җи­тәкчелегенә кайта. 

Мәгариф учреждение­се белән идарә итүдән тыш, ТРның атказанган укытучысы физикадан бик яхшы укытучы булып та тора. Аның турын­да хез­мәттәшләре һәм кул астындагылары җы­лы фикерләрен белде­рә­ләр, җитәкченең җавап­лылыгын, ышанычлылыгын һәм кешелеклелеген билгеләп үтәләр. 

– Илдар Робертович һәр укучыга якын килү җаен белә. Моңа лаек булганнарга мактау сүзләрен кызганмый. Ярдәмгә мохтаҗ булучыларга булышачак. Җитәкчебез искелекне, бер урында туктап торуны яратмый һәм бары тик эшкә иҗади якын килүне генә хуплый, – диләр хез­мәттәшләре директор ­турында.

Илдар Роберт улы­ның хатыны, атказанган мәгариф хезмәткәре Сария Хәнәфи кызы да үз һөнәренә утыз елдан күбрәк гомерен багышлаган. Компьютерлар һәм мәгълүмати технологияләр арасында үскән уллары Айдар башка юл белән китәргә булган, әмма Фәткуллов­лар гаиләсе укытучылар династиясен оныклары дәвам итәр дип өметләнә.

Кырыслык турындагы сорауга җавап биреп, Илдар Роберт улы гадел укытучы булырга тырышуын әйтә. Аның фикеренчә, үз фәнеңне һәм балаларны чын күңелдән ярату педагогның иң мөһим сыйфатлары булып то­ра. Балалар укытучы про­­фессио­нализмының үзен­чәлекле индикаторы булып, аларның эчкерсезлеген шундук билгеләргә сәләтле.

Мәктәп директоры Илдар Фәткуллов сайлаган юлына тугры кала, укучылар һәм педагогика коллективының үсеше өчен мөмкин булган­ның барысын да эшли.