Туган якны чын күңелдән яратырга өйрәтә

Алинә Зәйнуллина Алабирдедәге “Миләшкәй” балалар бакчасында сабыйлар тәрбияләү белән егерме елга якын шөгыльләнә.

– Миңа тәрбияче булырга язган булгандыр, мөгаен. Үзебезнең гаиләдә мин олысы идем, һәм туганнарның малайлары, кызлары безгә кунакка кайткач, барысы да ­минем кү­зәтчелектә була­лар иде, – дип сөй­ли Алинә Тәгъзим кызы. – Мин һө­нәри эш­чәнлегемне башлаганда балалар бакчасында без, олылар тарафыннан ярату тойган, барысы да үзара тату 25-27 сабый бар иде. 

Хәзерге тәрбияләнүчеләребез дә – безнең өчен иң яхшылар, алар тыңлаучан, күп беләләр, дәресләр аларга кызыклы. Безнең балалар бакчасына Алабирдедән, Байраштан, Әтрәчтән 20 сабый йөри, хәтта ике тәтешле дә бар. Олылар кечкенәләрне кайгыртып торалар, без бер гаиләдәй яшибез. Малайларга күбрәк легода сыннар җыю, кызларга – гамәли бизәлеш сәнгате, әвәләп әйберләр, рәсемнәр ясау белән шөгыльләнү ошый. Әзерлек төркемендә дүрт бала йөри, алар бик теләп мәктәпкә барырга әзерләнә, кай­бер хәрефләрне ­ин­де беләләр. Безнең барлык тәрбия­лә­нү­че­ләребез таби­гать­кә, елга ­ярына экс­курсиягә барырга яраталар, анда без ти­рә-юнь мохит­не өй­­рәнәбез, ­туган якка мәхәббәт тәр­биялибез. Балалар җырларга, биергә, музыка астында физкуль­тура белән шөгыльләнергә яраталар.  

Безнең мәктәпкәчә белем бирү учрежде­ниесендә һәрьяклап үсү өчен бөтен шартлар булдырылды, чөнки күптән түгел ул капиталь төзекләндерелде. Мин үзем­нең балалар бакчасын, сабыйларны яратам һәм тормышымны алардан башка күз алдына да китерә алмыйм, минем һөнәрем дөньяда ­иң яхшысы булуы белән мин бәхетле.