Урманчылар гаиләсеннән

Надежда Миронова, урманны файдалану буенча инженер: 

– Тәтеш урманчылыгында 2020 елдан бирле эшлим, бер үк вакытта аграр университетта да укыйм, урман хезмәте белгечлеге буенча магистратураны тәмамлыйм, – ди Надежда Анатольевна. – Мине урманчылар гаиләсеннән дип әйтергә була. Бабай белән әти урманчылар булган.

Аның вазифасына урманнардан файдалану мәсь­әләләре буенча документлар әйләнешен алып бару һәм дәүләт мәгълүмат системаларына мәгълүматлар җибәрү, урман кишәрлекләрен арендалау шартнамәләре һәм сату-алу шартнамәләре реестрын алып бару, урман кишәрлеген арендалау турында декларация һәм шартнамә гамәлдә булу вакыты тәмамланганнан соң урман секторларын карау, җирле халык өчен сату-алу шартнамәләре реестрын алып бару, урман үсентеләренең документларын аукционнарга әзерләү керә.

– Эш күләме зур, шулай булгач, эшсез утырырга туры килми. Районның урман тармагында эшләү миңа ошый: җитәкчелек әйбәт, коллектив дус, әле тагын – урманга, саф һавага еш чыгабыз, – дип уртаклаша Надежда Миронова.