“Агростартап” – фермерларга ярдәм итүнең яңа төре

(Тәтеш, 14 август, "Тәтеш таңнары", Энҗе Алимова).  “Агростартап”ны финанслауның гомуми күләме 37 миллиард сум тәшкил итә, шуның 16,7 миллиард сумы ­крестьян-фермерлык хуҗалыкларына ярдәм итүгә юнәлтеләчәк, 18 миллиард сумы – авыл хуҗалыгы кооперативларын үстерүгә. Әлеге программа буенча быел 418 миллион сум бүлеп биреләчәк, шуның 205 миллион сумын крестьян-фермерлык хуҗалыкларының алу мөмкинлеге булачак.

“Агростартап” нигезендә грантлар түбәндәге шартларда бүлеп бирелә: баш саны кимендә 24 сыер булган сөтчелек фермалары; симертү буенча баш саны кимендә 50 мөгезле эре терлек булган фермалар; сарыклар үрчетү буенча кимендә 300 сарык, шул исәптән кимендә 100 ана сарык булган фермалар; савым кәҗәләре – кимендә 80 баш; ит юнәлешендәге, йомырка юн­ә­­лешендәге һәм яшь кош-корт үстерү буенча кошчылык фермалары; баш саны кимендә 80 ат булган ат фермалары; бер елга кимендә 5 тонна товар балыгы җитештерү (үстерү) буенча фермалар; бәрәңге, яшелчә, бөртекле һәм бөртекле-кузаклы, азык, техник, җимеш һәм җиләк культуралары җитештерүчеләр; куяннар үрчетү; гөмбәчелек; умартачылык – кимендә 120 умарта корты гаиләсе (бер елга кимендә 3 тонна товар балы җитештерү).

Гариза бирүчегә бәйгедә катнашыр өчен, ТР Конституциясенең 65нче маддәсе нигезендә билгеләнгән рес­публика шәһәрләреннән тыш,  ТР муниципаль районнарындагы авыл территориясендә теркәлгән; даими яшәргә яки ул башлык булып торган (булып торачак) КФХ эшчәнлеге алып бару урыны буенча муниципаль берәмлеккә даими яшәү урынына күчү йөкләмәсе һәм әлеге хуҗалык грант үзләштергән көннән 5 ел дәвамында аның эшкә урнашуының бер­дәнбер урыны булып торырга (булып торачагы); эшкуарлык эшчәнлегенең башлангыч этабын оештыруга субсидияләр яки грантлар алмаган булырга, шулай ук башлангыч фермер грантын алмау­чы булып торырга тиеш. Тулырак – респуб­лика авыл хуҗалыгы һәм азык-төлек министр­лыгы сайтындагы “Фермерларга, авыл ху­җалыгы кооперативларына грантлар һәм шәхси ярдәмче хуҗалыкларга субсидия­ләр” бүлегендә белеп була. 

Гаризалар кабул итү 2019 елның 6 августыннан 4 сентябренә кадәр тормышка ашырыла, адресы: Казан шәһәре, Федосеев ур., 36нчы йорт, 3нче кат, 307нче бүлмә, телефоннары: (843) 221-76-85; (843) 221-76-88 (88-44).