Алиментка һәм торакка хокук мәсьәләләрен карадылар

(Тәтеш, 23 ноябрь, “Тәтеш таңнары”, Татьяна Кузнецова, автор фотосы).

Тәтеш районында опекага алган гаиләләрдә 47 бала тәр­бияләнә. Аларны тәр­бияләү белән шөгыль­лә­нүче ата-аналар кайвакыт­ларда кайбер кыенлык­ларны кичерү­гә дучар булалар, аларны хәл итүдә еш кына белемле белгеч киңәше ярдәм итә. Шуның өчен очрашуга Тәтеш районы прокуроры Оксана Шуста, ТР Хезмәт, мәшгульлек һәм социаль яклау министрлыгының Тәтеш районындагы социаль яклау бүлеге начальнигы Ольга Колсанова, район башкарма комитетының мәгариф бүлеге начальнигы Гөлнара Кирилина, балигълык яшендә булмаучылар эшләре һәм аларның хокукларын яклау ко­мис­сиясенең җаваплы секретаре Людмила Краснова һәм башка белгечләр чакы­рылган иде.     

– “Айлык акча һәм баш­ка төрдәге түләүләр ту­рында”гы ТР Министр­лар Кабинеты Карары ни­гезендә, 2022 елда мәк­тәп укучылары өчен балаларны тәрбияләүгә айлык акча күләме 11 222 сум билгеләнде, мәктәпкәчә яшьтәгеләр өчен – 9732 сум. 2023 елда әлеге түләү 11 907 сум һәм 10 326 сум тәшкил итәчәк. Әлеге акчалата түләүләр 18 яшькә кадәрге ятим балаларга һәм ата-ана тәрбиясеннән мәхрүм калган балаларга билгеләнәчәк, – дип хәбәр итте район башкарма комитеты каршында эшләп килүче опека һәм попечительлек секторы мөдире Алена Голод.    

Түгәрәк өстәл барышында ятим балаларга һәм ата-ана тәрбиясеннән мәхрүм калган балаларга ­социаль ярдәм күрсә­тү, мондый балаларның алиментка һәм торак белән тәэмин ителү­гә ­хокукы, опекун кара­ма­гындагыларның милкен һәм балаларның иминлеген саклау мәсь­ә­ләләре ­каралды.