Андрей Харитонов: Без кешеләргә ярдәм итәбез
(Тәтеш, 7 июль, “Тәтеш таңнары”, Ләйлә Ягудина).
Андрей Харитонов, 133нче янгын сүндерү-коткару частенең янгын сүндерүчесе:
– Хезмәтем миңа ошый, без кешеләргә ярдәм итәбез, аларның гомерләрен коткарып калабыз, игелекле эшләр башкарабыз.
Әлеге һөнәр дөньяда иң куркынычларның берсе дип санала, әти-әнием дә минем өчен һәрвакытта борчылып тора, ләкин минем өчен ул яраткан хезмәт.
Мин кешеләр гомере өчен катлаулы һәм куркыныч булган мизгелләрдә ярдәм сораучылар хакына эшлим. Төтен тулган бинаның эчке ягында калган кешене фәкать без генә коткара алуыбызны аңлыйбыз. Без үз гомеребезне куркыныч астына куябыз, ләкин андый вакытларда хәтта бу хакта уйлап та тормыйбыз, чөнки кешеләрнең гомере кыл өстендә тора бит.
Яшь буынга нык, тәвәккәл булсыннар, проблемалардан курыкмасыннар һәм дөрес юлдан барсыннар иде дип әйтәсе килә.
фотоны Андрей Харитонов тәкъдим итте
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев