Бәкедә су коенганда кагыйдәләрне үтәгез

Кама Тамагы һәм Тәтеш районнары буенча күзәт­челек эшчәнлегенең районара бүлеге инспекторы Андрей Харитонов су коенганда бәхетсезлек очрагы килеп чыкмасын өчен, түбәндәге ка­гыйдәләрне үтәргә өнди:
бәкедә су коеныр алдыннан башта тәнне җы­лыту, күнегүләр ясау, йөгереп алу әһәмиятле; 
бәкегә барганда юлның тайгак булуын истә тотарга, акрын гына барырга кирәк; 
аякларның ипсез ки­лүен булдырмас өчен, бәкегә билгеләнгән юлдан, уңайлы, шуып китми торган аяк киеменнән атлап бару зарур; 
суга төшү өчен куелган баскычның тотрыклы булуына инану мөһим.

киңәш ителми: 
су коену урынына автотранспорт белән якын килергә; 
коткару хезмәте һәм медицина хез­мәт­кәрләре вәкилләреннән башка су ­коенырга; 
ата-аналар яки өл­кәннәр күзәтүеннән башка балаларны су коендырырга; 
боздан турыдан-туры суга чумарга; 
коену урынын пычратырга һәм чүпләргә; 
спиртлы эчемлекләр эчәргә, исерек хәлдә су коенырга; бәкегә баш белән чумарга.
Коенганнан соң тәне­гезне йомшак сөлге белән сөртегез, коры кием киегез һәм алдан ук термос­ка әзерләп куелган кайнар чәй эчегез. 

Исегездә тотыгыз! 
Бары тик рәсми рәвештә рөхсәт ителгән, барлык иминлек таләпләре буенча җиһазландырылган бәкеләрдә һәм коткару хезмәтләре кизү торган урыннарда гына су коенырга ярый.

фото: архив/Авангард