Безгә дә урнаштырсагыз иде

(Тәтеш, 6 сентябрь, "Тәтеш таңнары"). Бакырчы авылында яшим, урамнарыбыз асфальт. Безне юллы итүчеләргә зур рәхмәт. 
Ләкин бер нәрсә борчый, урамнан машиналар зур тизлек белән чабалар.
Авылда хәзер күбесенчә олылар, балалар да бар. Шулкадәр тизлек белән килгән машина алдыннан чыгып та өлгерә алмаска мөмкиннәр. 
Тәтешкә барабыз да, анда адым саен юл бусагалары куелганлыгын күрәбез. Безнең урамга да берне генә ясау мөмкинлеге туса, яхшы булыр иде. 
Фәния Ваһапова-Измайлова