Безнең районда һәр халык­ның йолаларын, гореф-гадәт­ләрен һәм туган телен саклауга аерым игътибар бүлеп бирелә

(Тәтеш, 4 ноябрь, “Тәтеш таңнары”, Елена Калашникова, фото Галина Таҗетдинова).

Безнең районда һәр халык­ның йолаларын, гореф-гадәт­ләрен һәм туган телен саклауга аерым игътибар бүлеп бирелә. Татар, рус, чуваш, мордва милли-мәдәни үзәкләре шушы юнәлештә эшли. Аларның җитәкчеләре агымдагы ел эш­чән­легендәге аеруча мөһим вакыйгаларны билгеләп үттеләр.

Татьяна Лубганс, рус милли-мәдәни үзәге җитәкчесе:
Үзәк вәкилләре – рус авылларында яшәүчеләр Тәтеш районы авыллары җир­лекләре арасында халык мәдәнияте фестивалендә актив катнаштылар.
Шәһәрле Олег Евсеев инициативасы белән Удельное-Нечасово авылында “Рус гүзәле” конкурсы уздырылды.
Барлык белем бирү оешмаларында һәм мәдәният учреждениеләрендә Туган тел көне үткәрелде.
 Жуково, Монастырский авылларында аулак өйләр оештырылды. 
Жуково авылында яшәүчеләр ТР Авыл хуҗалыгы һәм азык-төлек министрлыгы инициативасы белән оештырылган “Борайдан ботка” милли ризыгын әзерләү чарасында катнаштылар.

Асия Ибраһимова, татар милли-мәдәни үзәге җитәкчесе:
Йосыповлар гаиләсе “Гаилә тарихында гасырлар кайтавазы – Тарихта без эзлебез”  дигән нәсел шәҗәрәсе республика фестивалендә финалга чыктылар.
 Сәнгатьле итеп шигырь укучы­ларның “Җәлил укулары” Халыкара әдәби конкурсының зона этабын дүртенче тапкыр уздырабыз, шагыйрь Габдулла Тукайның 135 еллыгын бәйрәм итү кысаларында безнең тарафтан чаралар оештырылды. 
Милли-мәдәни үзәк вәкил­ләре “Татарча диктант” Бөтен­дөнья белем бирү акциясендә, традицион Әтрәч укуларында катнашты.
Районның “Ак калфак” татар хатын-кызлары иҗтимагый оешмасы җитәкчесе Рима Сафиуллова белән берлектә VI Бөтендөнья татар хатын-кызлары форумында катнаштык. 
Кайбыч районының “Ак калфак” вәкилләре белән тәҗрибә уртаклашу максатыннан очрашу булды. 
“Ел хатын-кызы. Ел ир-аты: Хатын-кыз карашы” республика бәйгесенең “Хатын-кыз – лидер” номинациясендә зона этабында мин җиңүче булдым. 
“Ак калфак” иҗтимагый оешмасы белән берлектә Бөтендөнья татар конгрессы вәкилләре катнашында республикакүләм семинар үткәрдек.

Володар Тимофеев, чуваш милли-мәдәни үзәге җитәкчесе:
Тәтеш шәһәренең 1нче урта мәктәбендә чуваш телен укыту сыйныфы ачылды. 
Без “Саварни” һәм “Чуклеме” бәй­рәмнәрен үткәрдек. 
“Шусам” чуваш ансамбле халык исемен алу конкурсында катнашты. 
Авыл клубларында тугыз чуваш фольклор һәм вокаль ансамбле оештырылды. 
Кошки-Новотимбаево авылында Иван Яковлев исемендәге парк төзекләндерелде, анда чуваш ихатасы ясау планлаштырыла. 
Чуваш милли-мәдәни үзәге вәкиле Ирина Козлова “Юрла чавашла – чувашча җырла” дигән чуваш җырлары конкурсының гран-при иясе булды.
Ирина Николаева, мордва милли-мәдәни үзәге җитәкчесе:
Мордва иҗади коллективлары А.В. Котков исемендәге рус хор музыкасы фестивалендә, “Дуслык әйлән-бәйләне” “Без бер агач ботаклары”, “Күңелле сәхнә” фестивальләрендә, һәм Татарстан халыкларының традицион уеннары II төбәкара фестивалендә катнашты. 
Мордва мәкальләре, әй­темнәре, Урюм авылында яшәүчеләрнең  аңлатмалары белән җыентык бастырып чыгардык; 
Авыллардагы мәдәният йортларында ки­тапханә хезмәткәрләре белән берлектә йолаларны яктырткан күренешләр оештырдык; 
Килдештә “Валда шинясь” район күләмендәге бәйрәм, Бессоновода Изге Троица һәм Киртәледә “Кели Масинце” (“Май чабу”) бәйрәме уздырдык. 
Җирлектәге мордва иҗти­магый оешмасын булдыру максатыннан учре­дительләр җыелышы үткәрдек.

Тәтеш районында яшәүче төрле милләт вәкилләре үткәрелә торган мәдәни чараларда актив катнашалар: алар бер сәхнәдә җырлыйлар һәм бииләр, төрле телләрдә әдәби әсәрләр укыйлар. Барлык халык вәкилләре бер-берләренең гореф-гадәтләренә һәм йолаларына хөрмәт белән карыйлар. Шуңа да безнең район халкы –  ул зур, бердәм, тату гаилә.