Бүген төнле Россия территориясендә 40тан артык дрон бәреп төшерелгән

14 августка каршы төндә һава һөҗүмнәреннән саклану чаралары Россия төбәкләре территориясендәге объектларга һөҗүм итәргә тырышкан 44 Украина пилотсыз очкычын юк иткән. Бу хакта РФ Саклану министрлыгында хәбәр итәләр.

Иң күп БПЛА – 14 берәмлек – Кара диңгез акваториясе өстендә юк ителгән, тугызы - Волгоград өлкәсендә. Кырым һәм Ростов өлкәләре территорияләрендә җидешәр дрон бәреп төшерелгән.

Тагын дүрт пилотсыз очкычны Краснодар крае, икесен - Белгород өлкәсе территориясендә юк иткәннәр. Бер дрон Азов диңгезе өстендә бәреп төшерелгән.

фото: Татар-информ