Документларны рәсмиләштерергә вакыт

Бу документ нәрсәдән гыйба­рәт соң? Асылда, бу түбәндәге­ләрне үз эче­нә алырга тиешле рәсми мәгълүмат:
хайваннарны асраганда нәкъ тә нинди матдәләр барлыкка килүе;
барлыгы күпме өстәмә продукт алынуы;
бу продуктлар төгәл кайчан алынуы;
бу продуктларны алга таба предприятие (хуҗа­лык) үзе куллану яки чит оешмаларга тапшыру планлаштырылуы;
әгәр башка затка тап­шыру планлаштырыла икән, продукция тапшы­рылучы-алучы оешманың яки шәхси эшмәкәрнең фамилиясен, исемен, әтисенең исемен мәҗбүри рәвештә күрсәтү зарур.

Россельхознадзор­ның ТР ида­рәсе хезмәткәр­ләре хәбәр итүенчә, мондый белдерүләр Россия Феде­рациясе Авыл хуҗалыгы ми­нистр­лы­гының 2022 елның 7 октябрендәге бое­рыгы (№ 671) белән тө­гәл регламентланган. Шулай итеп, 2026 елга до­ку­мент­ларны 2025 елның 31 де­кабренә кадәр җибәрергә кирәк.

Мәгълүматны өч төрле ысул белән тап­шырырга мөмкин: Россель­­хознад­зор бүле­генә мөс­тәкыйль рә­вештә китерү, тапшыру турындагы хәбәр белән за­казлы хат җибәрү яисә дәүләт хезмәтләре порта­лы аша алдан электрон имза бе­лән раслап элек­трон рәвештә юллау.

– Мәгълүматны ни өчен дөрес тутыру мө­һим? Эш шунда, дөрес  рәсми­­ләш­термәү яки вакытны уздырып җи­бәрү өстә­мә продукт­ларның гади җи­теш­терү калдыклары булып сана­луына китерә­чәк. Димәк, экологик кур­кы­ныч­­­сызлык таләп­лә­рен өстәмә рәвештә исәп­кә алырга туры киләчәк, бу бер кирәксез кыенлыклар һәм чыгымнар китереп чыгарачак, – ди Россель­хознадзорның ТР ида­рәсенең дәүләт инс­пекторы Гөлнара Арсла­нова. – Документлар тө­зегәндә игътибарлы һәм җа­ваплырак булы­гыз, чөнки дө­рес рәсми­ләш­те­рү сезне ар­тык мәшә­­кать­ләрдән коткарачак һәм хуҗалыкны нә­ти­җә­ле алып ба­рырга мөмкин­лек бирәчәк.

Терлекчелекнең өстәмә продуктлары – авыл хуҗалыгы хайваннарын асраганда барлыкка килә, аларны эшкәрткәннән һәм яңадан эшкәрткәннән соң авыл хуҗалыгы җи­теш­терүендә ашлама сый­фатында файдаланыла торган матдәләр. Тер­лекче­лекнең өстәмә про­дуктларына, мәсәлән, мөгез­ле эре терлек һәм мөгез­ле вак терлекләр, дуң­гыз, ат тиресе; кош тизәге (коры һәм дымлы хәлдә); терлекләр аслыгы, вакланган саламны да кертеп, пычкы чүбе керә.

фото: архив/Авангард