Эш бирүчегә дәүләт ярдәме булышлык итәчәк

Тәтеш районының халыкны эш белән тәэмин итү үзәге начальнигы Сергей Цветков җавап бирә:
– Чынлап та, 30 яшькә кадәрге эшсез гражданнар өчен хезмәт базарының ярдәм программасында үзгәрешләр булды. Элек 30 яшькә кадәрге аерым категориядәге граж­даннарны эшкә урнаштырган вакытта гы­на компанияләр дәү­ләт ярдәменә исәп тота ала иде. Субсидиянең күләме – 3 минималь хезмәт хакы, аны район коэффициентына, иминият взнослары суммасына һәм эшкә урнаштырылганнарның исәбенә карап арттыралар. Оешмалар беренче түләүне эш эзләүчене хезмәткә урнаштырганнан соң бер ай узгач алачаклар, икенчесен – өч айдан соң, өченчесен – алты ай узгач. Дәүләт ярдәмен алу өчен эш бирүчегә “Россиядә эш” порталында шәхси кабинет аркылы белгечләр җыю өчен халыкны эш белән тәэмин итү үзәгенә мөрәҗәгать итәргә; субси­дияләр бил­геләү һәм түләү белән шөгыльләнүче социаль иминият фондына “Соцстрах” системасы аркылы гариза җибәрергә кирәк. 2022 елда ­башка эш бирүчегә даими эшкә күчерелгән, ләкин эштән азат итү куркынычы янаган гражданнар өчен дә эшсезләр сыйфатында теркәү таләбе шулай ук гамәлдән чыгарылды. Кызыксындырган сораулар белән 2-63-40 номеры буенча халыкны эш белән тәэмин итү үзәгенә мөрәҗәгать итәргә мөмкин.